Amir Rrahmani e sheh veten si një nga liderat e rinj të skuadrës së Napolit. Mbrojtësi kosovar, duke folur për Radio CRC, ka treguar se si ka ndryshuar ekipi nën urdhrat e Antonio Kontes, i cili kërkon maksimumin nga futbollistët e tij të cilët po kryesojnë përsëri Serinë A.

“A ndjehem një robot për Konten? Mendoj se jemi të gjithë, pasi bëjmë gjëra të ngjashme dhe të gjithë i përgatitim ndeshjet bashkë. Të gjithë duhet të bëjmë atë që na kërkon trajneri, secili prej nesh është një robot. Forca e madhe e qëndrueshmërisë mbrojtëse që kemi rigjetur, vjen nga fakti që mbrojmë si një skuadër, të gjithë së bashku. Duke filluar nga sulmuesit që bëjnë trysni dhe kështu për ne mbrapa është më e thjeshtë. Ky është çelësi për ekipin tonë.

A e cilësoj veten lider? Ky është viti i pestë që jam te Napoli, ndjehem lider pasi ka kaluar shumë kohë këtu. Nuk është e thjeshtë të kalosh 5 vite në një ekip, duhet të kesh vazhdimësi, qëndrueshmëri dhe të garantosh paraqitje. Mundohemi të bëjmë çdo gjë që kërkon trajneri dhe të bëjmë më të mirën. Kur nisëm me Konten, kemi bërë më shumë punë mbrojtëse, por tani njohim mirë lëvizjet që na kërkon. Tani punojmë më shumë si grup, të gjithë bashkë, për të përgatitur çdo ndeshje”, theksoi Rrahmani.

PANORAMASPORT.AL

NDIQE LIVE "PANORAMA TV"

---