Të gjithë lojtarët që Egnatia ka në dispozicion, me përjashtim të Renato Malotës, janë të gatshëm për trajnerin Tetova.

Kapiteni i rrogozhinasve vuan një dëmtim prej disa javësh dhe nuk do të jetë as sot në fushë, siç ka pohuar edhe vetë trajneri. Një lojtar tjetër me probleme fizike gjatë javës ishte sulmuesi Mohamed Jahaja, por ai ia ka dalë të rikuperohet në kohë.

Sa i takon formacionit, kampionët në fuqi nuk do të kenë lëvizje nga javët e fundit. Bakajoko do të jetë në majën e sulmit, i mbështetur nga Ujka dhe Lushkja. Fangaj dhe Ndreca janë të sigurt nga krahët, ashtu si dhe Aleksi dhe Zejnullai në qendër të mesfushës.

Mund të ketë ndonjë dilemë në mbrojtje, ku Veseli, Xhemajli, Dylis dhe Alijev luajnë për tri fanella titullarësh. Trajneri Tetova do të vendosë në momentet e fundit.

PANORAMASPORT.AL

NDIQE LIVE "PANORAMA TV"

---