Zhorzhinjo ka zbuluar disa nga sekretet e dhomës së zhveshjes së Arsenalit, duke shpjeguar se çfarë ndodh në pushimin e pjesës së parë gjatë ndeshjeve, ku një anëtar i skuadrës flet përpara se të flasë trajneri Mikel Arteta.

Mesfushori 32-vjeçar u transferua te “Topçinjtë” nga Çelsi në janar 2023 dhe ka treguar se mund të jetë një opsion i besueshëm për teknikun spanjoll. Italiani nuk ka qenë gjithmonë zgjedhja e parë, por ai ka regjistruar përsëri 52 ndeshje për klubin, ndërsa cilësitë e tij të liderit kanë qenë të dukshme gjatë gjithë kohës së tij në “Emirates”.

Dhe duke folur në podkastin e Siman Sejs, Zhorzhinjo tregoi një pasqyrë të brendshme të dhomës së zhveshjes gjatë pushimit të pjesës së parë në ditët e ndeshjeve. “Është një moment i mirë, sepse sapo hyjmë, Niko (Jover) vjen për të folur për goditjet standarde dhe gjëra të tilla, dhe më pas Mikel vjen dhe flet për atë që duhet të bëjmë”, tha ai. “Pastaj ju shihni lojtarët që flasin me njëri-tjetrin gjithashtu, veçanërisht në grupe, ju e dini. Për shembull, është ‘Big’ Gabi (Gabriel Magalhaesh) me Saliban duke folur për diçka. Pastaj Bukajo dhe Martin (Odegard) duke folur për diçka. Ju shihni njësitë që përpiqen të flasin dhe ta përmirësojnë atë, ose të vazhdojnë të bëjnë atë që po bëjnë nëse funksionon. Pra, mendoj se jemi në një pozicion të mirë”.

Ndërkohë, edhe pse është vetëm 32 vjeç, Zhorzhinjo ka shpjeguar gjithashtu se ka filluar të mendojë se si do të jetë jeta pas futbollit. Dhe italiani zbuloi saktësisht se çfarë planifikon të bëjë, me aspiratat e tij që kanë ndryshuar që kur u bashkua me Arsenalin.

“Për shkak të mënyrës si jam dhe sa shumë e dua këtë lojë, miqtë e mi në shtëpi, familja ime, që kur isha 18 apo 19 vjeç, ata më thoshin gjithmonë: ‘ti do të bëhesh trajner’. Dhe unë thosha: ‘në asnjë mënyrë, unë dua të përfshihem në futboll, por pa shpresën apo shanset që të bëhem trajner’. Më pas erdha tek Arsenali dhe ata më pyetën nëse doja të merrja stemat dhe unë i thashë ‘jo, nuk dua të jem trajner’. Pas disa nxitjeve unë i bëra ato dhe në seancën e parë thosha: ‘oh jo pse e bëra këtë, tani jam në telashe’. Por tani mendoj se do të shkoj ta ndjek karrierën e trajnerit”.

PANORAMASPORT.AL

NDIQE LIVE "PANORAMA TV"

---