Ballkani mposhti me rezultatin 0-2 Hamrun në transfertë, duke siguruar kalimin në turin e tretë të Conference League. Atje ku do të gjejnë kampionët e Irlandës së Veriut, Larnen.  

Kundërshtar i lehtë në letër, për kampionët e Ilir Dajës. Para 1 viti, Ballkani e eliminonte nga turi i dytë i Conference League me rezultatin e përgjithshëm 7-1. 

Këtë vit nuk ka qenë rrugëtim i lehtë për Ballkanin në Europë. Pas eliminimit surprizë nga Santa Koloma në Champions, kampionët e Kosovës hasën vështirësi dhe ndaj Hamrun ku barazuan sfidën e parë 0-0. 

Ndeshja sot u vendos me golat në pjesën e dytë. Fillimisht në minutën e 64 ishte Hamidi që përfitoi nga gabimi i portierit maltez. Më pas Karrica në minutën e 75 vulosi takimin me penallti. 

Për sa i përket irlandezo-veriorëve të Larnë, ata u eliminuan në raundin e parë të Champions-it, ku u mposhtën me rezultatin e përgjithshëm 7-0 nga letonezët e RFS.  

PANORAMASPORT.AL

NDIQE LIVE "PANORAMA TV"

---