Ferran Torres ka qenë protagonisti i madh i mbrëmjes në fitoren e Barcelonës në Dortmund 3-2. Sulmuesi i kombëtares spanjolle ka ardhur nga stoli për të shënuar dy gola në pjesën e dytë dhe për t’i dhënë pikët e plota ekipit të tij. Fill pas ndeshjes, Ferran Torres ka folur për “Movistar” duke treguar për emocionet e sfidës.

“Këto janë ndeshje ku tregohet se kush je. Këto janë ndeshjet që formojnë grupin. Sepse ka qenë një ndeshje e fortë, e vështirë ku na është dashur të vuajmë përballë një rivali të denjë. Nuk është e lehtë të kryesosh dy herë.

Por ne jemi treguar të kujdesshëm dhe me meritë kemi marrë fitoren. Kjo fitore u shkon tifozëve tanë të shumtë që kishin ardhur të na mbështesin. Natyrisht që kemi ende punë për të bërë, gjëra për të përmirësuar. Por tani është momenti të kthejmë kokën nga liga”, deklaroi Ferran Torres.

PANORAMASPORT.AL

 

NDIQE LIVE "PANORAMA TV"

---