Milan fitoi me lehtësi dhe bindi ndaj Empolit. Skuadra e Paulo Fonsekës luajti si skuadër, duke menaxhuar jo vetëm lojën në mënyrën më të mirë të mundshme, por edhe ritmet e një lloj ndeshjeje që i ka lënduar shpesh gjatë këtij sezoni.

Në kampionat, kuqezinjtë janë ende shumë, shumë larg majës, por është një ogur i mirë të gjendet ekuilibri (dhe cilësia e lojës) që shpesh kanë munguar deri tani. Fokusin i kalon Alvaro Moratas, një lojtar shumë i çmuar edhe për këtë grup dhe jo vetëm në fazën sulmuese.

LIDER – Spanjolli, sapo zbarkoi në Milano, mundi të bëhej menjëherë një pikë kyçe në grupin kuqezi, duke ndërthurur shpirtin dhe dëshirën për të qenë në grup me të gjithë, madje dhe mbi të gjitha me të sapoardhurit. Duke pasur parasysh përvojën e tij të rëndësishme në futbollin ndërkombëtar, Alvaro përmban të gjithë dëshirën për të bërë mirë dhe gjithashtu nervin e duhur, ndoshta ndonjëherë tepër bujar, konkurrues në fushë. Jo një sulmues i parë, dihet, por një qendërsulmues i aftë për të punuar mirë me ekipin dhe për ekipin, një lloj regjisori ofensiv.

Pas një kohe të gjatë (ai nuk kishte shënuar në “San Siro” në Serie A që nga ndeshja kundër Leçes) teksa kundër Empolit iu rikthye golit pas atij të shënuar në Champions kundër Realit.

KUNDËR BLLOKIMIT – E thamë: Morata nuk kishte shënuar në Serie A për një kohë të gjatë dhe a mund të ishte goli i shënuar kundër toskanëve të shtunën mbrëma, çelësi për të gjetur atë freski sulmuese? Të gjithë e dëshirojnë në ambientin kuqezi, por vështirë ta kuptojnë sot kundër Sasuolos ku fanella e titullarit është në diskutim mes Kamardës dhe Abrahamit. Spanjolli është shumë i vlefshëm për ekipin, për punën e pistë që bën, për përvojën që sjell në fushë.

Por ndoshta në këtë moment duhen më shumë gola, më shumë bonuse që mund të shfrytëzohen në zonën e rreptësisë së kundërshtarit. Goli ndaj Empolit është i bukur, një goditje nga një kënd i ngushtë. Sonte, siç thamë, është ndeshja e Kupës së Italisë, por Alvaro do të jetë i dobishëm të premten ndaj Atalantës. Një tjetër provë për të treguar se është zhbllokuar.

PANORAMASPORT.AL

NDIQE LIVE "PANORAMA TV"

---