Viti 2024 është një nga kampionatet më dramë në Superiore për ekipin e Tiranës. Bardheblutë janë të tetit në renditjen e vitit të plotë nga tetë skuadra që kanë luajtur 37 ndeshjet në këtë kampionat. Kështu, skuadra kryeqytetase në këto 37 ndeshje ka vetëm tetë fitore, 18 barazime dhe 11 humbje.

Ekipi ka grumbulluar 42 pikë, ndërsa ka shënuar dhe pësuar në mënyrë të barabartë 47 gola. Asnjë skuadër nuk ka bërë më keq se ajo, përfshirë edhe Skënderbeun. Më keq se Tirana janë Elbasani dhe Bylisi, por këto ekipe kanë luajtur vetëm 19 ndeshje në Kategorinë Superiore. Bardheblutë tashmë mbajnë vendin e tetë në renditjen e përgjithshme.

Një pozicion ky që përkon me zonën “play out”. 18 pikë numëron skuadra e Gugash Maganit pas 19 javësh të luajtura. Ky rezulton dhe sezoni më i dobët për Tiranën e 20 viteve të fundit, përsa u përket pikëve të grumbulluara.

Vëzhgimi tregon se asnjëherë bardheblutë nuk kanë pasur një ecuri të tillë në 19 javët e para. Edicioni 2013/14 i përafrohet aktualit. Asokohe me 19 pikë dhe Maganin në krye, kryeqytetasit reagonin duke u ngjitur nga vendi i 11-të në të gjashtë. Në sezonin e vetëm, kur 26 herë kampionët ranë nga kategoria, renditeshin në vendin e tretë me 27 pikë pas 19 javësh.

PANORAMASPORT.AL

NDIQE LIVE "PANORAMA TV"

---