Kalendari ka rezervuar tri transferta radhazi për Partizanin në ndeshjet e radhës, çka tregon për një tur force për të kuqtë, për më tepër që ndeshjet luhen ndaj rivalësh direkt.

E radhës është kundër Elbasanit, i sapongjitur në Superiore, por me potencën e skuadre që mund të zërë vend në katërshe. Por muajt e fundit kanë treguar se Partizani di si t’ia dalë larg shtëpisë, jo vetëm këtë sezon, por edhe në atë të shkuarin.

Humbja e fundit për të kuqtë në transfertë është kundër Egnatias në muajin prill, në një ndeshje kur u mposhtën me shifrat 2-1. Pas asaj ndeshjeje të kuqtë kanë luajtur edhe pesë transferta të tjera në Superiore, ku kanë fituar katër dhe kanë barazuar me Laçin.

PANORAMASPORT.AL

NDIQE LIVE "PANORAMA TV"

---