Postuar: Dhjetor 17, 2024 | 23:17
Shkëlqeu me tripletë në duelin e kampionatit, shikoni notën dhe statistikat e bomberit Myrto Uzuni
Myrto Uzuni përjetoi sot një nga ndeshjet më të veçanta në karrierën e tij. Sulmuesi shqiptar ishte protagonist absolut në fitoren e thellë 4-1 të Granadës kundër Kartagjenës. Tre nga golat e skuadrës bardhekuqe mbajnë pikërisht autorësinë e tij, duke e shndërruar atë në një lider absolut te Granada.
Talenti nga Berati, u vlerësua me notën 8.9 nga faqja e specializuar e statistikave “Sofa Score” për 81 minutat që u aktivizua. Uzuni e preku 22 herë topin, nga 4 gjuajtje që regjistroi në total 3 i dërgoi në rrjetë, ndërkohë që regjistroi edhe 10 pasime të sakta.
