Shpalli kampion Partizanin, Kolela merr vendin e ish-it të Njukasëllit/ Italiani bëhet trajner i Jankut & CO
Ish-trajneri kampion i Partizanit, Xhovani Kolela, do të vijojë karrierën te Feronikeli në elitën e futbollit kosovar. Tekniku italian do të pasojë ish-futbollistin e Njukasëllit, Shefki Kuqi, i cili u largua nga drejtimi i skuadrës për rezultate të dobëta, teksa drejtuesit kanë vendosur t’i besojnë stolin Kolelës.
Mediat kosovare, bëjnë me dije se 58-vjeçari italian ka nënshkruar kontratë 2-vjeçare me klubin nga Drenasi dhe ka filluar menjëherë projektin serioz për rimëkëmbje.
Të hënën ekipi do të udhëtoj në Gjermani për përgatitje 10 ditore. Periudhën 2 javore të pushimit të kampionatit, trajneri Kolela do ta shfrytëzoj për ta njohur ekipin dhe për ta përgatitur.
Vlen të theksohet fakti se pjesë e Feronikelit janë edhe ish-futbollistët e Superiores, Stivian Janku, Lapidar Lladrovci, David Gjinollari, Florent Avdyli dhe Suad Sahiti.
PANORAMASPORT.AL
NDIQE LIVE "PANORAMA TV"