Rrallëherë kalendari është kaq “dashamirës” dhe bashkon tri ndeshje që, pavarësisht se janë të ndërlikuara, janë në shtëpi. Kjo është ajo që i ka ndodhur Realit të Madridit në këtë periudhë të sezonit në të cilin niveli i lojës së skuadrës është larg pritshmërive.

Në harkun e pak ditëve Reali duhet të përballet me duele kundër Borusias së Dortmundit (sonte), Barcelonës dhe Milan në “Bernabeu”. Një çështje që, apriori, mund të jetë e dobishme, pasi të luash para publikut vendas është pothuajse gjithmonë favorizuese, por që mund të kthehet edhe në bumerang në rast dështimi.

Në fakt, nëse do të vazhdojnë të ndjekin nivelin që skuadra ka shfaqur në javët e fundit dhe mbi të gjitha, nëse nuk shoqërohen as me rezultate, do ta kenë të lehtë të ketë fishkëllima, ankesa dhe zhgënjime. Kështu, Reali i Madridit ka përpara një test të trefishtë në të cilin kërkesa është edhe më e madhe.

Rezultatet, por edhe ndjesitë drejt fundit të vitit, do të varen shumë nga ajo që do të ndodhë, mbi të gjitha, në “El Clasico”, në të cilin, përveç kësaj, Barcelona arrin me besim falë ecurisë së jashtëzakonshme në kampionat. Por nëse është dikush në Madrid që është mësuar me këtë presion, ai është Karlo Ançeloti. Italiani, i cili vazhdon të eksperimentojë me njëmbëdhjetëshen e tij për t’u përmirësuar, shpreson të kthejë situatën dhe, nëse loja vazhdon të jetë e dobët, të paktën të fitojë.

PANORAMASPORT.AL

NDIQE LIVE "PANORAMA TV"

---