Pavarësisht se merkatoja e Vllaznisë është e bllokuar, drejtuesit e kuqebluve nuk kanë hezituar të bëjnë dy afrime. Kuqeblutë kanë afruar mbrojtësin Repaj dhe sulmuesin Mensah.

Pavarësisht se ende dyshja nuk ka marrë “dritën jeshile” për aktivizimin me skuadrën shkodrane, shpresat për federimin e shpejtë të tyre janë të mëdha. Si mbrojtësi shkodran, ashtu edhe sulmuesi afrikan, kanë zhvilluar seanca të plota stërvitore me skuadrën, duke u ambientuar me grupin, për të qenë të gatshëm në momentin kur do të kërkohet aktivizimi i tyre.

Të dy futbollistët kanë shfaqur një formë të mirë sportive në seancat e deritanishme stërvitore, duke ngrohur stafin teknik të kuqebluve. Trajneri Brdariç pret zhbllokimin e merkatos për angazhimin e menjëhershëm të dy lojtarëve të afruar në këtë merkato dimërore.

PANORAMASPORT.AL

NDIQE LIVE "PANORAMA TV"

---