Besa ka siguruar një fitore shumë të rëndësishme përballë Lushnjës, teksa ka mundur këtë të fundit me drithërima me shifrat 1-0 në ndeshjen e vlefshme për javën e 16-të në Kategorinë e Parë.

Kavajasit kërkonin me çdo kusht fitoren për të vazhduar ndjekjen e Vorës kryesuese dhe iu afruan disa herë atij, teksa shpërdoruan një penallti me Mazrekajn i cili goditi shtyllën e më pas ishte edhe Spahiu i cili gjithashtu u ndal po nga shtylla në fraksionin e parë të lojës.

Në pjesën e dytë, ishin lagunarët që rrezikuan në dy raste me Xhabrahimin ndërsa në fund, Goxha goditi përsëri traversën për kavajasit. E ndërsa dukej se gjithçka do të shkonte drejt barazimit, një penallti e shkaktuar në minutat shtesë ndryshoi situatën, pasi Kanu këtë herë ishte i saktë nga pika e bardhë dhe shënoi golin e fitores që e afron përsëri Besën me kreun.

BESA 1-0 LUSHNJA
90’+3′ (p) Kanu

NGJARJET KRYESORE

90’+7’ Mbyllet ndeshja me fitoren 1-0 të Besës.

90’+3’ GOOOL BESA! Shënon Kanu me penallti. (VIDEO)

90’+2’ Penallti për kavajasit! Magani shkakton faull në zonë dhe gjyqtari nuk heziton të bëjë shenjë nga pika e bardhë. (VIDEO)

90’ Jepen 6 minuta shtesë.

89’ Pas një harkimi në zonë, Goxhaj godet me kokë por gjen traversën e portës së Lushnjës.

88’ Dëshpërohet përsëri Xhabrahimi i cili merr një pasim perfekt nga Olola në të djathtën dhe gjuan drejt portës, por gjuajtja e tij është e gabuar. (VIDEO)

87’ Xhabrahimi shfaqet i vetëm para portës dhe mposht portierin, por goli anulohet për pozicion jashtë loje të sulmuesit. (VIDEO)

81′ Spahiu është futbollisti i  radhës i cili ndëshkohet me karton të verdhë.

76′ Edhe Tabaku ndëshkohet me karton të verdhë.

69′ Tension në fushë. Mazrekaj dhe Uilli ndëshkohen me karton të verdhë.

59′ Indi Oliveira godet shtyllën. Rast i artë për Besën që të gjejë avantazhin. (VIDEO)

58′ Mehidri në rolin e heroit kundër Lushnjës, ndalon topin e goditur nga Kaçanolli mjaft pranë tij. (VIDEO)

56′ Pas Lushnjës është Besa që provon të krijojë panik në mbrojtjen kundërshtare. Topi përfundon jashtë dhe vihet në kontrollin e Mehidrit. (VIDEO)

53′ Uilli niset bukur në kundërsulm, por mbrojtja e Besës tregohet e kujdesshme duke mbyllur gjithçka. (VIDEO)

45+5′ Mbyllet pjesa e parë në barazim 0-0. 

45′ Akordohen 4 minuta shtesë.

45′ Goditje nga jashtë zone e Spahiut. Alimuçaj nuk mund të bëjë asgjë, por është shtylla që i mohon golin. (VIDEO)

39′ Ndërhyrje vendimtare e Goxhës, që ndalon Kamisokon i cili po i drejtohet portës kundërtshtare. Minuta të mira për Lushnjën. (VIDEO)

37’ Karton i verdhë për Mëllugjën pas një faulli në afërsi të zonës.

34’ Mentor Mazrekaj humbet rastin e artë për të shënuar nga penalltia. Lojtari i Besës godet shtyllën. (VIDEO)

30’-33’ Pretendime për penallti te Besa. Cjapi vazhdon fillimisht lojën, por më pas është VAR që ndërhyn. Pas rishikimit të rastit, Cjapi akordon penallti. (VIDEO)+(VIDEO)

27′ Kanu shfaqet sërish rrezikshëm në zonën e Lushnjës. Sulmuesi i Besës godet me kokë, por topi përfundon jashtë. (VIDEO)

20′ Minuta të mira për Besën, që ka marrë kontrollin e fushës.

13′ Magani ndëshkohet me karton të verdhë pas ndërhyrjes ndaj Stafës. Goditja e Mazrekajt ndalet në murin mbrojtës. (VIDEO)

4′ Kanu tenton portës pas pasimit të Kapos, por sfera nuk ka koordinatat e duhura dhe përfundon jashtë. (VIDEO)

1′ Tabaku provon të befasojë Besën që në fillimin e takimit duke lëshuar një goditje nga jashtë zone.

1′ Nis ndeshja në Rrogozhinë.

FORMACIONET ZYRTARE

BESA: Mehidri, Kapo, Spahiu, Mëllugja, Abdullai, Mazrekaj, Kanu, Nurja, De Souza, Stafa, Goxha

Trajner: Mirel Josa

LUSHNJA: Alimuçaj, Hida, Korreshi, Deliaj, Tabaku, Joti, Magani, Kamisoko, Uilli, Kouasi, Kaçanolli

Trajner: Erion Xhafa

PANORAMASPORT.AL

NDIQE LIVE "PANORAMA TV"

---