Trajneri Vinset Kompani në vigjilje të ndeshjes St.Pauli-Bajern Mynih ka analizuar gjendjen e futbollistëve dhe grupit në tërësi.“Leroi (Sane) ka bërë mirë. Kur ai është në formë dhe i lumtur, ne të gjithë e shohim këtë, si në ndeshjen e fundit. Ai ka përvojën dhe jam i sigurt se do të vazhdojë ta tregojë këtë në të ardhmen. Rreth Palhinjës di të them se portugezi ka luajtur një rol shumë të rëndësishëm në takimet e fundit, por nuk ka të bëjë vetëm me një lojtar, ka të bëjë me mentalitetin e të gjithë ekipit. Gjetja e ekuilibrit të duhur në mentalitet është çelësi. Përballjet pararendëse kanë shkuar mirë, shpresojmë që ne mund të vazhdojë në këtë mënyrë dhe të ruajë besimin.

Nuk ka shumë ndryshim në atë që bëjmë midis ndeshjeve në shtëpi dhe jashtë. Kur luajmë në ‘Allianz Arena’, është një motivim shtesë, por nuk bëjmë shumë ndryshe ose nuk ndryshojmë planin tonë. Ndoshta një arsye pse kemi shënuar kaq shumë gola larg është se kundërshtarët luajnë paksa ndryshe në shtëpi, kjo nuk do të thotë asgjë për sot, megjithatë ne po përgatitemi në të njëjtën mënyrë si gjithmonë dhe shpresojmë që të funksionojë përsëri. Unë jam trajner i Bajernit tani. Koha ime në Hamburg ishte 15, 16 vjet më parë. St.Pauli ishte në Bundesliga 2 në atë kohë. E di që rivaliteti ishte gjithmonë i madh. Bëhet fjalë për ekipin bavarez sot dhe shpresoj të prodhojë performancën e të marrë rezultati. Unë kam ende shumë miq në Hamburg, ndoshta është e rëndësishme për mua”, e mbylli Kompani.

PANORAMASPORT.AL

NDIQE LIVE "PANORAMA TV"

---