Akileu Ndreca rezulton sulmuesi më rezultativ i bardhebluve. Futbollisti shkodran që erdhi këtë vetë te Tirana ka raportin më të mirë mes golave të shënuar dhe minutave.

Ndreca ka shënuar 4 herë, në 435 minuta lojë, duke pasur një mesatare prej 109 minutash për një gol. Po kështu, Ndreca është aktivizuar edhe 17 takime. Në vendin e dytë, Zharmuni me 5 golat, por të shënuara në 1271 minuta, në 16 ndeshje. Francezi shënon çdo 254 minuta.

I treti është Bajroviçi me një gol çdo 269 minuta. Suedezi është aktivizuar 538 minuta, në 13 ndeshje dhe dy gola. Pas tij vjen Qëndrim Ismajli me një gol çdo 411 minuta. Lojtari nga Kosova është aktivizuar 1234 minuta në 16 takime.

Në fund, Fatmir Prenkaj me një gol çdo 431 minuta. Sulmuesi ka qenë në fushë 862 minuta gjatë 15 takimeve dhe duke shënuar 2 gola. Siç shihet, Ndreca është futbollisti më rezultativ i bardhebluve në repartin e sulmit.

PANORAMASPORT.AL

NDIQE LIVE "PANORAMA TV"

---