Real Madrid pati mundësinë në “San Mamés” për të vazhduar presionin ndaj Barçës, pas muajit të tyre të keq të nëntorit në La Liga, por ra në Atletik (2-1).“Galaktikët” humbën mundësinë për shkak të një paraqitjeje tjetër të dobët nga Kilë Mbape kur ai humbi një penallti. Kjo disfatë i mban ata të dytin në ligë me një ndeshje më pak, por katër pikë prapa Barçës. Nëse djemtë e Karlo Ançelotit do të arrinin fitoren kundër Atletik Bilbao, ata do të rrisnin serinë e tyre të ndeshjeve jashtë vendit pa humbur në garat e ligës në 22, e dyta më e mira në historinë e kompeticionit dhe e tejkaluar vetëm nga Barça e Guardiolës në 2010.

Barça e gjashtë kupave arriti praktikisht rekorde të pakrahasueshme, por kjo ishte në rrezik për shkak të serisë që kishte Madridi, i cili nuk kishte humbur jashtë shtëpisë që nga shtatori 2023 kundër Atletiko Madrid. Shifrat e Guardiolës ishin 23 ndeshje pa humbje jashtë, me gjithsej pesë barazime dhe 18 fitore që nga marsi 2010 me barazimin kundër Almerias (2-2) dhe që përfundoi më 30 prill 2011 kundër Real Sociedad në “Anoeta” (2-1).

Ajo disfatë e çuditshme ishte një “dhimbje”, pasi ishte vetëm tri ditë pas mposhti Real Madridit të Mourinjos në “Bernabéu” (0-2). Ançeloti më në fund ka serinë e dytë më të mirë në histori pa humbur jashtë shtëpisë në La Liga, e barabartë me atë të Luis Enrikes dhe Barçës së Valverdes.

PANORAMASPORT.AL

NDIQE LIVE "PANORAMA TV"

---