Teuta, kundërshtari i kësaj fundjave për Vllazninë, nuk fiton në stadiumin “Loro Boriçi” prej më shumë se 4 vitesh. Durrsakët kanë triumfuar në Shkodër për herë të fundit më 28.06.2020, kur fitonin 0-3, me gola të Kallakut, Vilës dhe Aleksit.

Që nga ajo ndeshje thuajse gjithçka ka folur për kuqeblutë sa u takon ndeshjeve të zhvilluara në Shkodër. Gjatë këtyre 4 viteve Vllaznia ka fituar 6 herë në shtëpinë e saj ndaj Teutës, ndërsa 2 duele të tjera kanë përfunduar në barazim.

Ka një dominim total të 9 herë kampionëve të Shqipërisë ndaj bregdetarëve, por në radhët e Vllaznisë vlerësimi mbetet maksimal për sfidën e javës së 14-të. Stafi teknik po merr masat për suksesin e radhës, siç bëri fazën e parë në Durrës, ku fitoi 1-2. Këtë sezon “Loro Boriçi” ka rezultuar një fortesë për shkodranët, të cilët nuk njohin humbje aty.

PANORAMASPORT.AL

NDIQE LIVE "PANORAMA TV"

---