Për vetë pozitat që ka Korabi në renditje, ndeshja e së hënës ndaj Valbonës merr rëndësi të veçantë. Përveç fitores, çdo rezultat tjetër do të komplikonte dukshëm ecurinë e mëtejshme të skuadrës së Canajt. Në ndeshjen e kaluar ndaj Flamurtarit, Patrik Treni zhvilloi ndeshjen e parë me ngjyrat e dibranëve.

“Ndeshja ndaj vlonjatëve tashmë i përket një kapitulli të mbyllur dhe vëmendja tashmë është përqendruar te ndeshja e radhës ndaj Valbonës, që do ta zhvillojmë në fushën tonë”, thotë sulmuesi i dibranëve, Patrik Treni. Për 22 vjeçarin, nuk ka më ndeshje të lehta dhe secila prej tyre ka peshën e rëndësisë dhe specifikat e saj. “Si çdo ndeshje dhe kjo me Valbonën kërkon vlerësim maksimal. Nuk ka më ndeshje të lehta. Marrja e maksimumit të pikëve është objektivi i vetëm i skuadrës sonë”, shprehet ne fund të komentit të tij, sulmuesi Treni që ju bashkua skuadrës dibrane në merkaton e këtij muaji.

Nëse ju referohemi statistikave, përfshirja në radhët e dibranëve, mund të konsiderohet si rikthim i tij pasi ka qenë pjesë e kësaj skuadre disa edicione më parë.

NDERIM GOCI-PANORAMASPORT.AL

NDIQE LIVE "PANORAMA TV"

---