Pas analizës që ekipi bëri dje, gjithçka është përqendruar në fushë atje ku trajneri bardhekuq ka bërë edhe provat e rastit për formacionin që do të hedhë në fushë nga minuta e parë ndaj Elbasanit. Mungesa e Nikajt dhe largimi i Gërxhos duket se i kanë shtuar dilemat e kryepankinës korçare që po mendon në këtë momente edhe ndryshimin e skemës së lojës për të pasur më shumë garanci dhe mundësi zgjidhjeje.

Pritet që trajneri të testojë rreshtimin 3-5-2 që me rikthimin e Vaskez i shton më shumë forcën ekipit. Nga ana tjetër alternativat janë të shumta edhe në mesin e fushës atje ku pritet që të ketë minuta edhe për Krasniqin nga fillim loja. Gjithçka sa i përket formacionit do të varet edhe nga forma e Balajt apo Çuçkës që po ashtu kërkojnë minuta në këtë kampionat.

Gjithsesi pritet që seanca e sotme të tregojë më shumë rreth qasjes që Gvozdenoviç do t’i bëjë ndeshjes së radhës dhe formacionit që do të hedhë në fushë nga minuta e parë.

NIKAJ- Skënderbeu duhet të bëjë pa Ardit Nikajn për një kohë të gjatë pasi sulmuesi do i nënshtrohet një ndërhyrje kirurgjikale në kavilje, dhe me shumë mundësi do të jetë gati në vitin 2025.

LLAZI SARO-PANORAMASPORT.AL

NDIQE LIVE "PANORAMA TV"

---