Hakan Çalhanollu ka qenë protagonist i barazimit 1-1 të Interit me Napolin. Mesfushori turk shënoi një supergol në fundin e pjesës së parë për të barazuar përkohësisht rezultatin në 1-1, e më pas shpërdoroi penalltinë që do i jepte fitoren skuadrës së tij.

Ajo ishte penalltia e parë që gabonte që kur kishte mbërritur në Serinë A, pas 17 goditjesh të sakta nga pika e bardhë.

“Ne e dominuam ndeshjen, merituam më shumë. Ishim të pafat, më vjen keq që humba penalltinë e parë dhe e dija që do të ndodhte dhe nuk doja ta humbisja pikërisht sot. Më duhet të ngrihem menjëherë sepse kampionati është ende i gjatë. Ishte ende një ndeshje intensive, shumë duele, ne gjithmonë kërkuam sulmuesit tanë. Në pjesën e dytë, ne dolëm më mirë me krahët, por nuk ia dolëm të bënim gol.

Shumë skuadra janë forcuar, ka shumë lojtarë të rinj. Ne jemi gjithmonë të njëjtët, por ka ende shumë rrugë. Ne duam të qëndrojmë atje përpara. Çdo tre ditë nuk është e lehtë, të luash të mërkurën kundër Arsenalit dhe sot kundër Napolit nuk ishte e lehtë”, tha Çalhanollu pas ndeshjes.

PANORAMASPORT.AL

NDIQE LIVE "PANORAMA TV"

---