Panorama Sport iu sjell disa statistika interesante nga java e 8 në Superiore.

*Edhe kjo javë nuk prodhoi një numër të lartë golash. Vetëm 9 gola u shënuan në 5 ndeshje. Sfida me numrin më të lartë të golave ishte ajo e Durrës, ku rrjeta u tund 4 herë.

*Pjesa më e madhe e golave janë shënuar në pjesën e dytë, vetëm 3 u realizuan në pjesën e parë, Mandela i Dinamos, Kruja i Teutës dhe Ismajli i Tiranës.

*Katër skuadra nuk ia dolën ta gjenin rrugën e rrjetës këtë javë dhe konkretisht Bylis, Skënderbeu, Elbasani dhe Vllaznia.

*Dy penallti u akorduan nga gjyqtarët në ndeshjet e kësaj jave dhe të dyja në sfidën Teuta-Tirana, në favor të durrsakëve. Një prej tyre (Torraj) iu kthye në gol, tjetra u prit nga Selmani, por në tentativën e dytë Nasr shënoi.

*Dy kartonë të kuq pati kjo javë dhe të dy në ndeshjes mes Skënderbeut dhe Egnatias, ku u skuqën mbrojtësit Vaskez i korçarëve dhe Malota i rrogozhinasve.

PANORAMASPORT.AL

NDIQE LIVE "PANORAMA TV"

---