Trajneri i Realit të Madridit, Karlo Ançeloti, do të mund të përdorë të gjithë lojtarët e tij për finalen e Superkupës këtë të diel (20:00) kundër Barcelonës.

Trajneri i “Los Blancos” do të ketë në shërbim të tij edhe mesfushorin veteran, Luka Modriç, pasi kroati ka kapërcyer infeksionin viral që e pengoi të ishte gati për italianin në ndeshjen e së enjtes kundër Majorkës. Shqetësimi i dytë ka të bëjë me situatën e Tçuamenit. Francezi u përplas me Vedat Muriqin çka e detyroi mesfushorin e Realit të zëvendësohej, disi “i turbullt” për pasojat e goditjes në kokë.

Burime të Realit të Madridit konfirmuan të premten se lojtari është plotësisht i rikuperuar dhe se nuk do të ketë asnjë problem që ai të jetë pjesë e formacionit titullar të skuadrës merengue, nëse Ançeloti e konsideron të përshtatshme. Lojtari tjetër i Realit që mbylli gjysmëfinalen me probleme ishte Bellingam, autori i golit të parë ndaj Majorkës.

Anglezi përfundoi me shqetësim muskulor në kofshë por gjithçka ka mbetur deri këtu pa ndërlikime të tjera. Ndaj nuk do të ketë asnjë problem që ai të përballet me Barçën në “El Clasicon” që do të vendosë fituesin e Superkupës së Spanjës.

PANORAMASPORT.AL

NDIQE LIVE "PANORAMA TV"

---