Juventusi i Tiago Motës nuk po bën progres në kampionat edhe “falë” dëmtimeve të shumta, pritet që të jetë një prej aktorëve kryesorë në merkaton e janarit. Emrat që qarkullojnë janë të shumtë, por Antonio Silva mbetet në krye të dëshirave duke parë edhe vështirësitë numerike në mbrojtje.

Xhuntoli ka nisur nga puna menjëherë dhe së shpejti pritet një takim me Horge Mendez. Në tavolinë pritet të diskutohen dy çështje, pikërisht Antonio Silva (diskutim emergjent) dhe Fransisko Konseisao. Për këtë të fundit, Xhuntoli ka filluar negociatat për blerjen përfundimtare dhe me Mendezin do të mbyllet marrëveshja përfundimisht mes palëve.

“Zonja” do të investojë 30 milionë euro. Në lidhje me Antonio Silvën, Xhuntoli i ka kërkuar Mendezit që të bindë Benfikën për të lënë të lirë mbrojtësin.

Tashmë merkatoja për Xhuntolin ka filluar dhe është çështje kohe që të mbyllë një prej disa marrëveshjeve që ka hapur. Përveç Antonio Silvës, Xhuntoli po monitoron edhe Hankon dhe Milan Shkriniar.

PANORAMASPORT.AL

NDIQE LIVE "PANORAMA TV"

---