Në Iran është simboli i futbollit, përveç se një “monstër” rekordesh. Ali Daei, i kontaktuar nga “La Gazzetta dello Sport”, u është përgjigjur tri pyetjeve në lidhje me transferimin dhe asaj që Mehdi Taremi mund të bëjë tek Interi.

Cili është mendimi juaj për Mehdiun?
Taremi është një sulmues i vërtetë, mund të shënojë të paktën 15 gola. Ai është qendërsulmuesi më i mirë në të gjithë Azinë. Interi ka bërë një marrëveshje të pabesueshme, duke marrë parasysh atë që ka bërë në Porto gjatë 4 viteve të fundit. Më shumë se 90 gola, disa vendimtarë në Champions e disa trofe.

Më mirë pranë Lautaros apo Turamit?
Me te dy. Taremi di të përshtatet në çdo situatë. Si sulmues i parë ose i dytë, pranë një 10 ose 9 të pastër. Ai dhe Lautaro, të paktën në letër, janë një çift që mund të shënojnë 40 gola. Taremi lëviz shumë dhe për këtë i befason mbrojtësit. Plus, është edhe lojtar me fizik. Kjo është e kombinuar me cilësi të madhe teknike në fazën e përfundimit që mund të mos e prisni.

A është Inzagi trajneri i duhur për të?
Nga sa kam parë, po. Inzagi është trajneri që mund ta përmirësojë. Për më tepër, forma e favorizon. Mehdi performon më mirë pranë një sulmuesi tjetër, ai mund të komunikojë, të japë asistime dhe të shfrytëzojë krahët. Në krosime ai e di gjithmonë se ku të vendoset.

PANORAMASPORT>AL

NDIQE LIVE "PANORAMA TV"

---