Alberto Kosta nuk mjafton për të plotësuar numerikisht mbrojtjen e Juventusit.

Ai më shumë shihet si zëvendësuesi i Danilos i cili pritet të largohet këtë janar, prandaj Xhuntoli po punon për të afruar edhe një mbrojtës tjetër. Emri kryesor që po qarkullon është Ronald Arauho, i cili ka një marrëveshje me bardhezinjtë. Pengesa e vetme është Barcelona që nuk është e bindur ta lërë të lirë mbrojtësin uruguaian. Këtë gjë e ka konfirmuar më parë Hanksi Flik, por tashmë edhe presidenti katalanas, Laporta.

“Ne duam që Ronald të qëndrojë me ne. Jam duke folur me drejtorin sportiv Deko për të gjetur një zgjidhje. Ne e vlerësojmë shumë si person ashtu edhe në nivelin profesional”, tha Laporta që deri diku i ka mbyllur derën “Zonjës”.

Megjithatë, Xhuntoli ka dakordësinë e lojtarit, një kartë që do të përpiqet ta provojë deri në fund për ta sjellë në Torino.

PANORAMASPORT.AL

NDIQE LIVE "PANORAMA TV"

---