Pas debutimit me fitore në Ligën e Kampioneve, Tiago Mota foli për mediat duke u shprehur se i pëlqeu qartësia e skuadrës, edhe pse sipas tij ka ende shumë gjëra për të përmirësuar. “Është një rezultat i mirë. Megjithatë, tani duhet të fillojmë menjëherë për Napolin.

PËRSHTYPJET- “Sot më pëlqeu shumë fakti që ishim konkret. Skuadra ishte e qartë në atë që bëri, edhe pse ka ende shumë gjëra të cilat duhet që t’i rregullojmë për të vënë në vështirësi kundërshtarin.

VLAHOVIÇ- “Dushani prezantohet gjithmonë mirë në stërvitje, në kushtet e duhura për të luajtur. Unë jam shumë i kënaqur nga puna e tij. Sot nuk ka shënuar gol edhe pse ai do gjithmonë të realizojë. Vlahoviçi duhet të punojë më shumë në aspekt emocional. Kjo që po i ndodh atij është diçka që ndodh me çdo sulmues kur nuk arrin dot të shënojë gola.

Megjithatë, ai duhet të mendojë për të bërë gjërat e zakonshme në fushë sepse goli do të vijë. Ne kemi edhe lojtarë të tjerë që mund të shënojnë, e rëndësishme është të marrë pjesë në lojën e skuadrës. Golat do të vijnë me kalimin e kohës”.

PANORAMASPORT.AL

NDIQE LIVE "PANORAMA TV"

---