Tirana e këtij sezoni është skuadra më e dobët e 15 kampionateve të fundit. Skuadra që drejtohet tashmë nga Bledi Shkëmbi është grupi që ka marrë më pak pikë se çdo ekip tjetër.Bardheblutë kanë tani 18 pikë, ndërsa skuadra më e dobët pas kësaj është ajo e kampionatit 2013-2014 me 23 pikë. Më pas ajo e Ardian Memës në sezonin 2018-2019 me 24 dhe grupi që ra nga kategoria me 27 pikë. Rekordin për pikë në 21 javë e mban Orges Shehi me skuadrën kampione të sezonit 2021-2022.

Në atë vit për 21 javë, Tirana pati grumbulluar 46 pikë. Për t’u shënuar se gjysmën e kampionateve, Tirana pa pasur dyfishin e pikëve që ka në këtë moment. Asnjëherë bardheblutë nuk kanë zbritur nën 20 pikë, shenjë kjo shumë e keqe për të ardhmen e skuadrës dhe një shtysë që grupi duhet të ndryshojë.

REKORDET – Ky sezon ka edhe dy rekorde të tjera që nuk janë plus për Tiranën. Së pari ka më pak fitore në 21 javë, vetëm 2, ndërsa nga ana tjetër është në majën e barazimeve me plot 12 ndeshje. Shifra këto që tregojnë krizën e rezultateve.

VITI “I ZI”- Tirana e vitit zyrtar 2024 është skuadra më e dobët në Kategorinë Superiore. Nga 1 janari 2024 deri në 31 dhjetor 2024, Tirana është e teta në renditjen me skuadrat që kanë luajtur 37 takime në Kategorinë Superiore. Skuadra ka grumbulluar 42 pikë dhe është e fundit, me dy më pak se Skënderbeu me 44 pikë. Dy vite pa fitore në Ballsh – Tirana do të luajë ditën e shtunë ndaj Bylisit në Ballsh, por bardheblutë një fitore në fushën e mallakastriotëve mungon prej shumë vitesh.

Më saktë, fitorja e fundit me Bylisin në fushën e këtyre të fundit daton në 16 tetor 2022. Me llogari, i bie që bardheblutë nuk fitojnë prej 27 muajsh. Një kohë shumë gjatë. Sfida e fundit e fituar ndaj Bylisit, në Ballsh vendosej nga Florent Hasani. Kujtojmë që Tirana këto 21 javë nuk fitojnë dot jashtë fushës së vet. Bardheblutë nuk fitojnë jashtë fushe prej tetë muajsh. Fitorja e fundit daton në 11 maj 2024 në sfidën mes Egnatias dhe Tiranës, 0-3.OLSI AVDIAJ-PANORAMASPORT.AL

NDIQE LIVE "PANORAMA TV"

---