Mbrojtësi i Liverpulit, Virxhil van Dajk përpiqet të mbajë skuadrën me këmbë në tokë pas suksesit të rëndësishëm kundër Mançester Sitit në “Anfield” në javën e fundit. “Mançester Siti është një ekip fantastik. Janë katër herë kampion radhazi dhe kanë cilësi për të ndëshkuar çdo skuadër. Mendoj se ne ishim shumë solidë në mbrojtje.

Në sulm, ne bëmë gjithashtu pjesën tonë. Krijuam raste të mira dhe mund të kishim shënuar më shumë. Pra, në përgjithësi, ka qenë një ditë e mrekullueshme dhe tani ne rikuperohemi dhe jemi gati për një ndeshje tjetër të mërkurën”.

Njëmbëdhjetë pikë përpara Mançester Sitit dhe nëntë pikë përpara vendit të dytë, Arsenalit dhe Çelsit. Sa domethënëse do të jetë kjo diferencë për pjesën e mbetur të sezonit?

“Ne fokusohemi te tjetra. Kjo është e vetmja gjë që mund të bëjmë. Nuk ka kuptim në këtë fazë të sezonit të ecim më përpara. Natyrisht, të gjithë duan të jenë në një pozicion ku në këtë rast janë 11 pikë përballë kundërshtarit. Por ka kaq shumë kthesa. Tani kemi edhe disa dëmtime në ekipin tonë. Për fat të keq, dhe ne duhet të përballemi edhe me këtë. Dhe ju e dini, është ndeshje pas ndeshje dhe duhet të qëndroni të qetë”.

Por holandezi e pranon se këto rezultate ndaj rivalëve direktë janë shumë të rëndësishme: “Por ndeshjet si kjo, kur fiton kështu, është gjithmonë një ndjenjë e mirë. Dhe tani ne mendojmë që të rikuperohemi dhe jemi gati për një seri shumë të vështirë ndeshjesh jashtë”.

PANORAMASPORT.AL

NDIQE LIVE "PANORAMA TV"

---