Edicioni i 73-të i Kupës së Shqipërisë ka nisur dje me dy ndeshjet e turit paraeliminator. Naftëtari dhe Albanët janë skuadrat që do të vazhdojë garën në turin e parë. Kuçovarët do të përballen me Erzenin, ndërsa Albanët në turin e parë gjejnë Kukësin.

Naftëtari kaloi me sukses turin paraeliminator të Kupës së Shqipërisë për edicionin 2024-2025, duke mposhtur debutuesit e Basania. Në stadiumin “Bashkim Sulejmani”, ku nuk mungoi përkrahja e sportdashësve kuçovarë, u zhvillua një ndeshje interesante, ku kualifikimi u vendos në minutat e fundit. Në realitet, takimi filloi me malore për kuçovarët, të cilët e panë veten në disavantazh që në minutat e para, ku Konate shënoi pas një gjuajtje me kokë brenda zonës.

Megjithatë, reagimi i kuçovarëve është i menjëhershëm. Kajo barazon, duke ekzekutuar me saktësi nga pika e bardhë. Kuçovarët kërkojnë golin e avantazhit, por pavarësisht rasteve, pjesa e parë mbyllet në barazim. Edhe e dyta nuk fillon mirë për kuçovarët, që ndëshkohen përsëri me anë të Konates. Naftëtari rizgjohet pas pësimit të golit të dytë dhe përmbys rezultatin. Adebajo u bë protagonist, që fillimisht shënoi golin e barazimit dhe më pas të tretin. Ne fund, Gjishti shënon golin e sigurisë, teksa Naftëtari kalon në turin e parë.

Përballja mes Murlanit dhe Albanëve u mbyll me festival golash, ku kryeqytetasit triumfuan në Shkodër me rezultatin 5-3. Albanët e nisën vrullshëm takimin ku shënojnë dy herë, me Meçulin dhe Xhabaftin. Në të 35-ën vendësit shkurtojnë rezultatin me Cubin, por 3 minuta më pas miqtë realizojnë të tretin me Ahmatin. Në shifrat 3-1 për Albanët u mbyll pjesa e parë. Pjesa e dytë ishte më e ekuilibruar ku ekipet shënuan nga dy gola. Për Muralanin shënoi dy herë Uku, ndërsa për Albanët realizuan Alushi me penallti dhe Ahmati.

 

Murlani-Albanët 3-5

Golat: Cubi 35’, Uku 56’, 73’ / Meçuli 16’, Xhabafti 26’, Ahmati 38’,90’, Alushi 75’ (11-m)

MURLANI: Çaku (Ndreka 90’), Nika, Guri, Nikaj, Uku, Preza (Keshtejaku 63’), Cubi, Gjylbegaj, Smajli (Velaj 85’), Curraj (Muriqi 90’), Çokaj. Trajner: Vahedin Pepaj

 

ALBANËT: Lenja, Shembitraku (Troksi 69’), Çuni, Anderson (Petritaj 46’), Maçi, Meçuli, Ahmati, Mania (Gaxhaj 46’), Mema (Alushi 58’), Xhabafti (Methoxha 69’), Shkreta. Trajner: Altin Birçe

 

Kartonë të verdhë: Nika 24’, Gjylbegaj 38’, Cubi 47’/ Maçi 28’

 

Gjyqtarë: M.Koçi, R.Gashi, F.Behari (Durrës)

 

Delegat: Hyqmet Çelmeta (Shijak)

 

 

NAFTËTARI- BASANIA 4-2

GOLAT: Kajo 22′(p), Adebayo 66′, 87′, Gjishti 90’/ Konate 5′, 53′

NAFTËTARI: Birja, Fakaj, Kajo(Gjishti 67′), Vrapi(Çaçi 67′), Godoj, Adebajo, Salca (Pepa 74′), Hysa (Karakashi 74′), Ibrahimi, Rahimi, Karaj. Trajner: Bajram Fraholli

BASANIA: Muçejani, Asuncao, Diabi, Kola, Leka, Zefi 50′), Ars. Hoxhaj(Ard. Hoxhaj 63′), Fajed, Puka (Daija 64′), Konate, Radohina, Canja (Hasaj 46′). Trajner: Haris Lika

Kartonë të verdhë: Salca 33′, Godoy 41’/ Puka 53′, Konate 58′, Asuncao 90′

Gjyqtarë: E. Zhuli, P. Puto, D. Lulja(Tiranë)

Vëzhgues: F.Koreshi(Lushnjë)

Delegat: A. Mandro(Tiranë)

ARBEN ÇEPANI- PANORAMASPORT.AL

 

NDIQE LIVE "PANORAMA TV"

---