Valbona ishte e pafat në ndeshjen kundër Kukësit, nuk arriti të koleksiononte tri pikët kur i duheshin dhe pak sekonda në “Kukës Arena”. Ekipi kërkon që të kompensojë me Flamurtarin në Tropojë, ndeshje kjo, që do të luhet të shtunën.

Lidhur me këtë takim, për “Panorama Sport” shprehet zv.trajneri, Osman Qelia, i cili mes të tjerash deklaroi: “Jam i kënaqur me faktin se futbollistët e kërkuan me ngulm fitoren në Kukës, por ishim të pafat. Skuadra, pavarësisht se nuk ka një trajner të parë, ka reaguar mirë në 3 javët e fundit. Së bashku me drejtorin sportiv, Emiliano Gega, nuk i kemi lënë gjë mangët ekipit për të mos e ndier shumë mungesën e trajnerit.

Ajo që po vuan Valbona ka të bëjë me kartonët e kuq, duke i luajtur takimet me mungesa lojtarësh. Sa i përket takimit të radhës, jemi duke u përgatitur për të fituar ndaj Flamurtarit. Shpresoj që t’ia dalim në fund”.

ABDULLA DUSHKU-PANORAMASPORT.AL

 

 

NDIQE LIVE "PANORAMA TV"

---