Marnik Vermijl bëri debutimin e tij te Mançester Junajtid, në vitin 2012 nën drejtimin e Sër Aleks Ferguson, ndërsa tani punon në Belgjikë, si postier.   

Mbrojtësi, i cili u prezantua si një i ri shumë premtues, mbërriti në “Old Traford” në moshën 18-vjeçare dhe u përdor për herë të parë në ekipin e parë dy vjet më vonë, në një ndeshje të Kupës së Ligës kundër Njukastëll. 

Ai do të luante vetëm një ndeshje më shumë për “Djajtë e Kuq”, dy sezone më vonë me Van Gal, teksa përfundoi duke u larguar. 

Tani, në moshën 32-vjeçare, ai luan në divizionin e tretë të Belgjikës dhe punon në dy punë. Përveçse futbollist, mbrojtësi i djathtë është edhe një postier i lumtur. 

“Jam ngopur me futbollin profesionist. Bëhesh shumë i varur nga trajneri që ke. Të gjej kënaqësinë në atë që bëj është shumë e rëndësishme për mua”,- është Vermijl shprehur ai për gazetën “Voetbalprimeur”. 

“Si postier duhet të zgjohem në orën 4 të mëngjesit, por jam në shtëpi në orët e vona të pasdites dhe mund t’i marr fëmijët nga shkolla çdo ditë. Dhe ky është një luks…”,- deklaroi ai.  

PANORAMASPORT.AL

NDIQE LIVE "PANORAMA TV"

---