Valbona ka humbur disa pjesë në këtë merkato, ku së fundmi nga ekipi janë larguar portieri Brajan Marku, që i është bashkuar Korbit, si dhe Klaus Alinani, i cili është prezantuar tek Oriku.

Sulmuesi i djathtë i Valbonës, Kevin Llanaj, ishte nga më të mirët për tropojanët ndaj Korabit. Për “Panorama Sport” Llanaj deklaroi se Valbona i ka mundësitë e reagimit nga Pogradecit. “Të shtunën kemi një sfidë interesante dhe mjaft të vështirë, ku presim Pogradecin. Korabi na mundi me ndihmën e gjykimit, por Valbona nuk dorëzohet dhe nuk heqim dorë nga asgjë.

Nëse do të kemi një gjykim të drejtë, patjetër që Valbona do të rikthehet te fitorja e duke larguar edhe atë “makth” që kemi në stadiumin tonë. Fitore do të ketë ka shumë vlera për ne, pasi rritet besimi dhe morali për të siguruar mbijetesën”, u shpreh Llanaj.

ABDULLA DUSHKU- PANORAMASPORT.AL

NDIQE LIVE "PANORAMA TV"

---