Valbona ka arritur të kalojë Besëlidhjen në ndeshjen e djeshme e vlefshme për Kupën e Shqipërisë. Laval ka qenë ai që ka nderuar pak përpara fundit të takimit ekipin e Valbonës duke shënuar golin e fitores.

Ndeshja nisi e qetë dhe me superioritet të Besëlidhjes, nga ku që në minutën e parë depërtuan deri në zonën tropojane. Në minutën e 5-të ishte Ruqi që sulmon djathtas, sapo i afrohet zonës gjuan, por ishte portieri i cili largon rrezikun. Në të 10-n ishte Valbona që sulmon nga qendra, me Vidricën që gjuan dhe topi largohet nga mbrojtja.

Sulmon Besëlidhja deri në zonën tropojane, njëri nga sulmuesit pengohet, po gjyqtari lejon lojën. Në të 39-n ishte D. Marku i cili provon nga rreth 35 metra, por topi shkon ngjitur me trekëndëshin e djathtë të Markut. Në vijim Vidrica gjendet i vetëm me portierin lezhjan, por i vëmendshëm Dibra largon rrezikun. E para pa gola.

Fraksioni dytë nis i ekuilibruar duke u zhvilluar kryesisht në mesfushë. Në të 50-n ishte Besëlidhja që sulmon me anë të D. Markut, futet në zonë, por në çastet e fundit topi largohet nga mbrojtja tropojane. Në të 58-n kros këndoreje për tropojanët, topi shkon në zonë, por Vidrica nuk arrin të shënjestrojë portën lezhjane. Në të 81′ ishte Dedaj për Besëlidhjen që sulmon i vetëm deri afër portës, gjuan, por pret Marku. Në të 87-n Valbona do të gjente rrugën e rrjetës me anë të Laval që tregohet i saktë përpara portës. Pasi akordohen edhe tri minuta shtesë, rezultati nuk ndryshon dhe Valbona fiton 1-0.

 

PRENG GJIKOLA- PANORAMASPORT.AL

NDIQE LIVE "PANORAMA TV"

---