Berat Lush ka bërë debutimin në Superligën turke, ku në moshën 17-vjeçare ka luajtur për Gallatasarajin në fitoren e thellë 5-1 në ndeshjen e fundit kundër Kaiserisporit.

Ishte një ditë emocionuese për Beratin i cili mori një lajm të keq kur ishte në autobus me ekipin duke shkuar në stadium.

 

Gjyshja e tij ndërroi jetë, ndërkohë gjatë ndeshjes, shokët e skuadrës ia dedikuan atij golat. Berati luan si sulmues i majtë dhe vjen nga një familje shqiptare nga Gostivari. Federata maqedonase ka shprehur interes për talentin, por nuk dihet nëse FSHF ka kontaktuar me të. Në profilin e tij në “Instagram” ai mban edhe flamurin shqiptar.

NDIQE LIVE "PANORAMA TV"

---