Një gol i Rodrigo i ka mjaftuar Brazilit për t’u kthyer pas tre humbjesh radhazi te fitoret në kualifikueset e Botërorit 2026, duke mundur minimalsiht në shtëpi Ekuadorin.

Ka qenë një ndeshje pa shkëlqim e “seleçaos”, e cila vazhdon ët paraqitet shumë dobët, pavarësisht emrave që ka në dispozicion. I vetmi që bëri diferencën ishte pikërisht Rodrigo, i harruari i madh në listën për “Topin e Artë”, ndonëse është vazhdimisht vendimtar në lojën e skuadrave të tij. Ai shënoi golin e vetëm të sfidës në minutën e 30 të duelit duke marrë duartrokitjet e publikut. Megjithatë, tifozët nuk pëlqyen provën e Brazilit dhe në fund të ndeshjes, kishte kontestim dhe vërshëllima për ekipin.

Ndërkohë, në Montevideo, Luis Suarez e ka mbyllur me përfaqësuesen e Uruguait në një ndeshje ku nuk përmbajti dot lotët për ceremoninë e organizuar për të. Por Uruguai nuk ia doli që të festonte siç duhej për një nga golashënuesit më të mirë të historisë së tij, pasi u nda vetëm në barazim 0-0 ndaj Paraguait.

Në ndeshjen tjetër të luajtur mbrëmë, Peruja u ndal në barazim 1-1 nga Kolumbia.

PANORAMASPORT.AL

NDIQE LIVE "PANORAMA TV"

---