Brazili nuk ka shkuar më shumë se barazimi 1 me 1 në transfertën e Venezuelës. Ndeshja e vlefshme për raundin e 11-të të kualifikueseve të Botërorit pa dy skuadrat të ndajnë pikët.

Miqtë e Brazilit mbyllën në avantazh pjesën e parë, pasi ishte Rafinja që shënoi në minutën e 43-të. Një avantazh që nuk u shijua shumë sepse vendasit barazuan me Segovian sapo filloi pjesa e dytë.

Rastin e artë për të kthyer skuadrën e tij në avantazh e pati Vinicius. Ky I fundit gaboi nga pika e bardhë e 11-metrave, kur kronometrohej minuta e 62-të.

Venezuela u detyrua ta mbyllë ndeshjen me 10 lojtarë pas daljes së Gonzales me karton të kuq në fundin e kohë së rregullt. Pas 11 ndeshjeve të luajtura, Brazili mban vendin e tretë me 17 pikë, ndërsa Venezuela pozicionohet në vendin e shtatë me 12 pikë.

PANORAMASPORT.AL

NDIQE LIVE "PANORAMA TV"

---