Struga i ka dhënë lamtumirën Ligës së Konferencës sot pasi është mundur me shifrat 3-1 në transfertë nga Pjunik Jerevan. Skuadra e drejtuar nga Qatip Osmani ishte shumë pranë kalimit të ndeshjes në shtesa, por pësoi gol në minutën e 96-të duke mbyllur në mënyrë dramatike aventurën europiane

Struga kishte fituar ndeshjen e parë në shtëpi me shifrat 2-1 dhe kërkonte të administronte këtë avantazh në transfertë. Por vendasit gjetën shpejt golin duke vendosur baraspeshën në bilancin e kualifikimit. Më pas, Kovalenko u dha atyre avantazhin, por i zakonshmi Ibraimi në shtesën e pjesës së parë bëri që rezultati të shkonte në 2-1 dhe që Struga të kishte përsëri shanse të kalonte në turin tjetër.

Kampionët e Maqedonisë së Veriut rezistuan deri në minutat e fundit përballë furisë së sulmeve vendase. Por kur dukej se ndeshja po shkonte drejt barazimit, ishte përsëri Kovalenko ai i cili tundi rrjetën duke i dhënë fitoren 3-1 dhe kualifikimin skuadrës së tij.

PJUNIK-STRUGA 3-1
16′ Deble, 44′, 90’+6′ Kovalenko / 45’+4′ Ibraimi

GOLI I DYTE I KOVALENKO (VIDEO)

GOLI I IBRAIMIT (VIDEO)

GOLI I KOVALENKO (VIDEO)

GOLI I DEBLE (VIDEO)

FORMACIONET ZYRTARE

PANORAMASPORT.AL

NDIQE LIVE "PANORAMA TV"

---