Egnatia dhe Vllaznia janë ndarë me rezultatin 1 me 1. Sfida e luajtur në Rrogozhinë i dha nga një pikë të dy skuadrave.

Ishte Regi Lushkja autori i golit për Egnatian në këtë takim. Një supergol i realizuar në minutën e parë. 45 minutat e para folën për rrogozhinasit.

Në të dytën gjërat ndryshuan ku Vllaznia dhe barazoi takimin. Kështu ishte i zakonshmi Dodaj që shënoi, teksa shkodranët u treguan dhe më kërkues në vazhdim.

Vllaznia ndodhet në kuotën e 22 pikëve pas 13 javëve kampionat, ndërsa Egnatia numëron 22.

REZULTATI PËRFUNDIMTAR

EGNATIA 1-1 VLLAZNIA

1′ Lushkja – 56′ Dodaj

NGJARJET KRYESORE

90+4′ Mbyllet ndeshja. 

90′ Akordohen 4 minuta shtesë.

89′ Mala i lë vendin Çobës te Vllaznia.

87′ Gruda provon të rrezikojë zonën e Vllaznisë, Mala nuk përfiton. (VIDEO)

84′ Xhoel merr vendin e Bakajokos tek Egnatia. Gruda vendin e Dodajt te Vllaznia.

78′ Të dyja skuadrat luajnë ashpër dhe me lojën që ndërprehet për faull disa herë. Gjithsesi asnjë prej tyre nuk krijon rrezik real.

75′ Ardit Krymi ka nevojë për ndihmën e stafit mjekësor.

74′ Lushkja dhe Zejnullai lënë fushën për Jahajan dhe Ahmetajn.

72′ Karton i verdhë për Salën, i cili kërkon falje pas ndërhyrjes ndaj Ujkës.

69′ Karton i verdhë për Xhemajlin, i pari i sfidës për faull kundër Malës.

69′ Bakajoko i vetëm në zonë nuk shfrytëzon si duhet rastin, ndërsa godet me kokë. Topi përfundon jashtë. (VIDEO)

66′ Dodaj fiton faull pas ndërhyrjes së Fangajt. Stafi i Egnatias është i revoltuar pasi pretendon për faull më përpara në favor të Bakajokos.

59′ Ritëm i ulët nga Egnatia në pjesën e dytë. Vllaznia shfaqet më kërkuese.

56′ GOOOL! Goditje këndi për Vllazninë që ekzekutohet në mënyrë fantastike. Dodaj barazon sfidën pasi topi kishte mbetur në zonë. Goditja e parë në portë prej tij, që përkthehet dhe në gol. (VIDEO)

52′ Sala rrezikon portën e Egnatias, megjithatë anësori ngre flamurtin për pozicion jashtë loje. (VIDEO)

48′ Aksion i bukur nga Egnatia, por është Qarri që lexon gjithçka dhe kontrollon topin e hedhur në zonë.

46′ Nis pjesa e dytë. Brdariç aktivizon Kahrimanoviç në vendin e Qatos.

45+3′ Pjesa e parë përfundon me faull që ekzekutohet nga Qato te Vllaznia. Gjithçka mbyllet pa rrezik. (VIDEO)

45′ Akordohen 2 minuta shtesë.

42′ Nervozizëm mes Krymit dhe Qatos te lojtarët e Vllaznisë. Topi i takon Egnatia ndërsa gjithçka vazhdon normalisht.

40′ Faull në dëm të Malës nga Xhemajli që ka protesta për vendimin. Mala dërgon topin e duart e Dobjanit nga goditja standarde. (VIDEO)

36′ Jago kroson nga këndi dhe në një rrëmujë që u krijua në zonë, Ujka largon nga vendasit. (VIDEO)

31′ Vendasit vazhdojnë të kontrollojnë lojën.

28′ Egnatia i afrohet sërish golit me Bakajokon që depërton në zonë. Qarri mbyll i sigurt. (VIDEO)

26′ Qarri shpëton Vllazninë nga një tjetër gol, pasi Zejnullai lëshon një goditje drejt zonës. (VIDEO)

24′ Ka probleme për Malotën që shtrihet në fushë. Kapiteni gjithsesi ngrihet në këmbë dhe vijon lojën pasi disa sekondash.

24′ Mala harkon dhe Balaj provon të fusë topin në zonë. Mbrojtja e Egnatias tregohet e sigurt me ndërhyrjet për të larguar topin. (VIDEO)

23′ Dodaj ka probleme pas faullit që iu shkaktua nga Fangaj. Merr ndihmën mjekësore.

20′ Balaj provon me goditje nga jashtë zone. E vëmendshme mbrojtja e Egnatias që mbyll gjithçka.

18′ Vllaznia duket në shok këto minuta, pasi nuk arrin të ndërtojë asnjë aksion me rrezikshmëri.

15′ Egnatia me aksione të rrjedhshme afrohet në zonën e Vllaznisë. Lushkja nuk përfiton si duhet. (VIDEO)

13′ Veseli provon të nisë sulm duke fituar metra, por është Krymi që e ndal në mënyrë të parregullt. Lata akordon faull, teksa Krymi nuk është dakord.

11′ Egnatia qarkullon topin në mesfushë kundërshtare.

5′ Ritëm i lartë në minutat e para. Vllaznia dhe Egnatia provojnë kundërsulmet.

4′ Bakajoko humbet një rast të artë përballë Qarrit për të dyfishuar shifrat. Anësori ngre flamurin për pozicion jashtë loje, Lata vazhdon lojën. Super ritëm në Rrogozhinë. (VIDEO)

1′ GOOOL! Egnatia 1-0 Vllaznia. Regi Lushkja shënon supergol brenda zone me më pak se 1 minutë të kaluar. As mbrojtja dhe as porteri nuk reagon me topin që prek rrjetën. (VIDEO)

1′ Nis ndeshja në Rrogozhinë.

FORMACIONET ZYRTARE

EGNATIA: Dobjani, Veseli, Aleksi, Lushkja, Bakajoko, Malota, Ndreca, Zejnullai, Xhemajli, Ujka, Fangaj

Trajneri: Edlir Tetova

VLLAZNIA: Qarri, Gurishta, Krymi, Sala, Balaj, Bajrami, Mala, Dodaj, Qato, Jago, Stojanoviç

Trajner: Tomas Brdariç

PANORAMASPORT.AL

NDIQE LIVE "PANORAMA TV"

---