Elbasani ka siguruar praninë në çerekfinalen e Kupës së Shqipërisë, pasi ka mundur me shifrat 2-0 Teutën në një ndeshje ku për të shpallur fituesin u deshën kohët shtesë.

Dy skuadrat e Superiores kërkonin me çdo kusht kalimin e turit, duke parë Kupën si mundësinë e tyre për të siguruar trofe në këtë sezon. Por ata ishin të pasakta para portës gjatë 90 minutave të sfidës, duke bërë që për fituesin të kërkoheshin kohët shtesë.

Golat e Tsague në shtesën e parë dhe Lleshit në të dytën bënë diferencën për verdheblutë, të cilët kësisoj shkuan mes 8 skuadrave më të mira të turneut, duke u konfirmuar si ekip që synon të shkojë sa më larg në këtë turne.

TEUTA 0-2 ELBASANI
98′ Tsague, 113′ Lleshi

NGJARJET KRYESORE

120’+2’ Mbyllet ndeshja me fitoren 2-0 të Elbasanit.

120’ Jepen 2 minuta shtesë.

120’ Çyrbja gjuan nga jashtë zonës, pa gjetur portën e miqve.

114’ Lleshi i lë vendin ën fushë Qaqit te Elbasani.

113’ GOOOL ELBASANI! Lleshi merr topin para zonës, tenton nga distanca dhe nuk gabon duke mposhtur Tafas. (VIDEO)

112’ Kasa nis Lleshin drejt zonës, ky i fundit ka vetëm Tafas për të mposhtur por gardiani e ndal dhe i heq mundësinë e një goli thuajse të sigurt.

111’ Torraj nga e majta tenton të gjejë Nasr me një harkim në shtyllën e dytë, Abalora pret pa probleme.

106’ Kalaj dhe Demirçani futen në fushë në vend të Tomës dhe Mingos në radhët e Teutës.

105’+2’ Mbyllet pjesa e parë shtesë me avantazhin 1-0 të Elbasanit.

105’+1’ Edhe Musta ndëshkohet me karton të verdhë.

105’+1’ Belloj ndëshkohet me karton të verdhë.

105’ Jepet 1 minutë shtesë.

105’ Belloj i merr vendin Ibrahim në radhët e Elbasanit.

99’ Gjinollari i lë vendin në fushë Arifit te ekipi vendas.

98’ GOOOL ELBASANI! Pas një goditje nga këndi, Tsague me kokë tund rrjetën e vendasve. (VIDEO)

92’ Nasr pason nga e majta në qendër për Tomën i cili në mënyrë të pabesueshme nuk gjen portën e Abalora.(VIDEO)

91’ Nis pjesa e parë shtesë.

90’+3’ Mbyllet koha e rregullt, duhen shtesat për të caktuar fituesin.

90’+2’ Lleshi nga e majta tenton portën me një gjuajtje të fortë, por gjen vetëm rrjetën e jashtme. (VIDEO)

90’ Jepen 3 minuta shtesë.

90’ Çyrbja nga e djathta pason te Torraj i cili gjuan në hyrje të zonës, por çon sferën mbi traversë.

88’ Karabeci i lë vendin në fushë Torrajt në radhët e Teutës.

86’ Një tjetër top në qendër vë në rrezik prapavijën durrsake, Simeu spastron në këndore.

79’ Harkim i Kasës nga e djathta e sulmit, Tafas mbërthen sferën.

75’ Vjen kartoni i verdhë për Llocin pas një ndërhyrje ndaj Ibrahim.

75’ Beshiraj i lë vendin në fushë Nasr në radhët e Teutës.

73’ Abalora ndal një gjuajtje të Beshirajt, aksioni bëhet i pavlefshëm për prekje të topit me dorë nga sulmuesi. (VIDEO)

68’ Lulaj dhe K. Kasa marrin vendin e Hakajt dhe Olberkis në radhët e Elbasanit.

66’ Peposhi i lë vendin në fushë Çyrbjes te vendasit.

63’ Ibrahim shfaqet i vetëm para Tafas, por gardiani e ndal mesfushorin në mënyrë perfekte. (VIDEO)

55’ Gava merr vendin e Hasanit në fushën e lojës për Elbasanin.

53’ Një pasiguri e Abaloras nuk shfrytëzohet nga Beshiraj, me portierin i cili arrin të vendosë përsëri në kontroll topin që i kishte shpëtuar rrezikshëm në zonë.

51’ Goditje dënimi e rrezikshme e harkuar në zonën e Elbasanit, Kotobelli devijon por sfera shkon jashtë ngjitur me shtyllën e portës së Abaloras.

46’ Nis pjesa e dytë e ndeshjes pa ndryshime në radhët e ekipeve.

45’+1’ Mbyllet pjesa e parë me shifrat 0-0.

45’+1’ Hakaj harkon në zonë, Tafas pret në pozicion.

45’ Jepen 1 minutë shtesë.

42’ Toma në ecje e sipër gjuan nga distanca me të djathtën, sfera shkon direkt në duart e Abaloras. (VIDEO)

40’ Lloci nga distanca provon të majtën, sfera shkon mbi traversë.

36’ Hasani harkon në zonë nga e djathta, sfera shkon direkt në duart e Tafas.

32’ Beshiraj gjuan nga distanca, topi përfundon jashtë portës së Abalora. (VIDEO)

27’ Dy shtyllat shpëtojnë Teutën! Lleshi përfiton nga një gabim në kthim topi mbrapa duke u shfaqur i vetëm në zonë, por gjuajtja e tij sjell përplasjen e topit në të dy shtyllat e më pas shkon në duart e Tafas. (VIDEO)

22’ Pas një goditje këndi, Lloci me kokë vë në vështirësi Abaloran, Beshiraj i vetëm para portës nuk e shtyn sferën në rrjetë e më pas Hasani largon topin. (VIDEO)

15’ Beshiraj nga e djathta pason në qendër për Tomën i cili nuk arrin të gjuajë e më pas është Gjinollari i cili nuk gjen portën e Abaloras. (VIDEO)

14’ Tsague nis Lleshin drejt sulmit, por Simeu mbyll korridorin drejt zonës dhe fiton faull ndaj sulmuesit.

10’ Ibrahim nis një kundërsulm të shpejtë për Hasanin, por ky i fundit mbyllet pa hyrë në zonë nga Kotobelli.

5’ Durrsakët me agresivë me presing të lartë në minutat e parë, kërkojnë të vënë në vështirësi prapavijën e verdhebluve.

1′ Starton sfida!

FORMACIONET ZYRTARE

TEUTA: Tafas, Simeu, Kotobelli, Kruja, Mingo, Gjinollari, Karabeci, E. Peposhi, Lloci, Toma, Beshiraj.
Trajner: Edi Martini

ELBASANI: Abalora, Olberkis, Musta, Lila, Hakaj, A. Kasa, Dros, Ibrahim, Hasani, Lleshi, Tsague.
Trajner: Ivan Gvozdenoviç

Gjyqtar: Erjon Bastari

PANORAMASPORT.AL

NDIQE LIVE "PANORAMA TV"

---