Odise Roshi, triumfoi në “derbin” ndaj Dean Liços në Ligën e Parë turke. Skuadra e Erzurumspor mposhti me rezultatin 1-2 Igdir, në duelin që rezultoi tepër emocionues. Të dy futbollistët shqiptarë u aktivizuan si titullarë, teksa në fund festoi… Roshi. 

Vlen të theksohet fakti se Igdri mbeti me 10 lojtarë në minutën e 40-të. Sfida u zhbllokua në minutën e 63-të, kur Kroçiata realizoi një eurogol nga goditja e dënimit.  

🚨 | Erzurumspor forması giyen Giovanni Crociata’nın frikik golü
👀💥 pic.twitter.com/TOmZiSp9Gw

— 🇹🇷 Transfer Haberleri ⚒ (@Transferhaber6) September 27, 2024

Roshi u ndëshkua me karton të verdhë në minutën e 81-të, ndërkohë që Mamba, në minutën e 85-të, shënoi golin e dytë për Erzurumspor. Në minutën e 90+1, vendasit shënuan golin e nderit me Hatipoglu. 

Liço qëndroi në fushë 86 minuta, ndërsa Roshi u zëvendësua në minutën e 90-të.  

PANORAMASPORT.AL

NDIQE LIVE "PANORAMA TV"

---