VIDEO/ Fitore me përmbysje për Teutën, mund Skënderbeun në Korçë mes protestave për një penallti të padhënë
Teuta ka siguruar fitoren e dytë në këtë edicion të Superiore, duke mposhtur Skënderbeun në Korçë me përmbysje.
Në një ndeshje shumë argëtuese me raste të njëpasnjëshme në të dy portat, skuadra korçare ishte ajo që kaloi e para në avantazh, por gjeti përgjigjen e shpejtë të durrsakëve të cilët goditën traversën, ndërsa më pas barazuan me Beqjen duke bërë që pjesa e parë të mbyllej në barazim.
I njëjti ritëm i lartë vazhdoi edhe në pjesën e dytë, por durrsakët u treguan më konkretë para portës, teksa shënuan fillimisht me Preknicajn e më pas me Krujën për të përmbysur shifrat e siguruar një rezultat 3-1 që u munduan ta ruanin deri në fund të duelit. Goli i Rashicës i dha pak shpresë korçarëve, por erdhi shumë vonë për të ndryshuar fatin e këtij takimi. Korçarët kërkuan një penallti në shtesë, por nuk ishte i të njëjtit mendim gjyqtari Hamiti i cili e mbylli ndeshjen mes kontestimeve.
SKËNDERBEU-TEUTA 2-3
8′ Nikaj, 90’+4′ Rashica / 37′ Beqja, 66′ Preknicaj, 73′ Kruja
NGJARJET KRYESORE
90’+5’ Mbyllet ndeshja me fitoren 3-2 të Teutës.
90’+5’ Korçarët kërkojnë penallti për një mbajtje të Kotobellit ndaj Bismark, Hamiti lë lojën të vazhdojë mes protestave. (VIDEO)
90’+4’ GOOOL SKËNDERBEU! Çuçka nga e djathta nis topin në qendër për Rashicën i cili me kokë gjen golin. (VIDEO)
90’+2’ Prençi gjen rrjetën pas një goditje këndi, por goli anulohet për pozicion jashtë loje. (VIDEO)
90’+1’ Boçi ndëshkohet me të verdhë pas një ndërhyrje ndaj Bismark.
90’ Jepen 5 minuta shtesë.
83’ Nikaj dhe Juri lënë fushën e lojës, në vend të tyre aktivizohen Tare dhe Çuçka.
82’ Nikaj nga e djathta gjuan, Tafas devijon duke ruajtur katërkëndorin. (VIDEO)
80’ Simeu merr vendin e Arifit në radhët e Teutës.
77’ Një harkim nga e djathta nuk kontrollohet nga Tafas, por devijimi Rashicës nuk është i duhuri dhe sfera shkon jashtë. (VIDEO)
73’ GOOOL TEUTA! Aksion i gjatë i durrsakëve me Tomën, Alia grushton një gjuajtje drejt katërkëndorit por sfera shkon te Kruja i cili e shtyn në rrjetë. (VIDEO)
70’ Franklin lë fushën e lojës te Skënderbeu, për t’i bërë vend Krasniqit.
68’ Toma merr vendin e Preknicajt, i dëmtuar gjatë festimit të golit, ku kërkoi menjëherë zëvendësim.
66’ GOOOL TEUTA! Sulm i shpejtë i durrsakëve me topin që shkon te Preknicaj. Sulmuesi gjuan nga jashtë zonës dhe mposht portierin Alia. (VIDEO)
62’ Lëvizje edhe te korçarët me Shaqen i cili merr vendin e Vangjelit.
60’ Boçi merr vendin e A. Peposhit në fushën e lojës.
57’ Kotobelli dhe Gërço ndëshkohen me karton të verdhë për një përplasje në mesfushë.
56’ E. Peposhi shfaqet në të djathtën në krahun tjetër, gjuajtja e tij është tërësisht e gabuar.
55’ Rashica në pozicion ballor gjuan nga jashtë zonës, Tafas pret në dy kohë.
50’ Përsëri Rashica shfaqet në zonë majtas, diagonalja e tij ndalet nga Tafas me një devijim vendimtar. (VIDEO)
49’ Rashica në të majtën harkon në shtyllën e dytë, Franklin nuk gjen hapësirën për të gjuajtur.
48’ Kundërsulm i shpejtë i Bismark, Jazxhi ndërhyn saktësisht dhe largon sferën në anësore.
46’ Pjesa e dytë nis me E. Peposhin në vend të Nasr në radhët e Teutës.
45’+2’ Mbyllet në barazimin 1-1 pjesa e parë e ndeshjes.
45’+1’ Predhë e Nikajt nga e majta, Tafas i përgjigjet me një tjetër grushtim spektakolar. (VIDEO)
45’ Jepen 2 minuta shtesë.
42’ Skuadrat vazhdojnë të jenë shumë të gjera në fushë, duke lejuar kundërzbritje të shpejta.
37’ GOOOL TEUTA! Pas një goditje dënimi, topi shkon te Beqja i cili me kokë mposht portierin Alia. (VIDEO)
36’ Peposhi harkon nga e majta, Preknicaj gjuan me kokë por nuk gjen portën e vendasve. (VIDEO)
32’ Rabiu provon me të djathtën nga distanca pa shënjestrën e duhur për të shqetësuar Tafas.
32’ Peposhi ndëshkohet me të verdhë pasi ndal në mënyrë të parregullt një kundërsulm të Rashicës.
30’ Nasr nga e djathta nis topin në zonë, mbrojtja largon rrezikun.
27’ Kundërsulm i Rashicës në anën tjetër, gjuajtja e tij drejt shtyllës së dytë nuk gjen portën e Tafas.
26’ Preknicaj nuk ia del të gjuajë drejt portës pas një goditje dënimi, Prençi heq topin para devijimit të sulmuesit.
23’ Rashica nga e majta merr fundoren, pasimi i tij gjen Nikajn i cili gjuan drejt portës, por sfera bllokohet nga mbrojtësit e Teutës.
21’ Nga ana tjetër është Gërço i cili gjuan duke çuar sferën drejt trekëndëshit, Tafas fluturon dhe devijon topin në këndore. (VIDEO)
20’ Predhë e Vilës nga e djathta e sulmit, sfera kalon pak mbi traversën e portierit Alia. (VIDEO)
18’ Nikaj niset në sulm në të djathtën, Jazxhi e ndal në mënyrë të parregullt dhe ndëshkohet me të verdhë.
11’ Në zhvillimin e goditjes nga këndi, Peposhi gjuan me kokë, por sfera godet traversën, përplaset në vijën e portës dhe kthehet në lojë. Hamiti pret konfirmimin nga VAR-i dhe dekreton që nuk është gol. (VIDEO)
10’ Kruja gjen Nasr në zonë, por Prençi me shpejtësi largon sferën në këndore.
8’ GOOOL SKËNDERBEU! Harkim perfekt nga Rashica në të majtën, Nikaj në shtyllën e dytë mposht Tafas dhe kalon korçarët në avantazh. (VIDEO)
5’ Harkim nga e djathta në zonën e Skënderbeut, Vila me kokë gjuan por nuk gjen portën.
4’ Vila nis një top të gjatë për Preknicajn, Ramos devijon në anësore duke larguar rrezikun.
1’ Nis ndeshja në Korçë.
FORMACIONET ZYRTARE
SKËNDERBEU: Alia, Ramos, Prençi, Vangjeli, Gerco, Rabiu, Juri, Franklin, Nikaj, Rashica, Bismark. Trajner: I.Gvozdenoviç
TEUTA: Tafas, Jazxhi, A.Peposhi, Kotobelli, Beqja, Kruja, Lloci, Vila, Arifi, Nasr, Preknicaj. Trajner. E.Martini
GJYQTARË: E.Hamiti, E.Gjoka (Lezhë), T.Kasa (Vlorë)
DELEGAT: Eduard Gjini (Tiranë)
VËZHGUES: Tanush Latifi (Gjirokastër)
