Tirana ka mposhtur Bylisin në transfertë duke u rikthyer te fitorja, që mungonte pikërisht prej sfidës së fundit me ata në kampionat. Bardheblutë e Bledi Shkëmbit triumfuan me rezultatin 0-3 dhe morën 3 pikë të rëndësishme në garën për mbijetesë.

Ballshiotët ishin të pafuqishëm, që pasi Ernest zhbllokoi takimin në minutën e 37-të. Në pjesën e dytë ishte Ndreca që dyfishoi pas një skeme perfekte nga goditja e dënimit.

Më pas pasuan dy kartonë të kuq. Fillimisht për Tiranën, pasi rasti i Ernest përfundoi te VAR. Disa minuta më vonë ishte Ofori, që u largua nga Bylisi. Kështu skuadrat mbetën me nga 10 lojtarë.

Në përfundim të kësaj ndeshje, Tirana ka 21 pikë në vendin e tetë. Bylisi mbetet me 24 pikë. Aktualisht ballshiotët kanë vendin e gjashtë.

REZULTATI PËRFUNDIMTAR

BYLIS 0-3 TIRANA

37′ Ernest, 62′ Ndreca, 90+7′ Rafa Silva

NGJARJET KRYESORE

90+8′ Mbyllet ndeshja në Ballsh me fitoren 0-3 të Tiranës.

90+7′ GOOOL! Rafa Silva, i afruar në janar, shënon dhe golin e tretë për bardheblutë. (VIDEO)

90+5′ Mihana merr vendin e Zharmuni te Tirana.

90′ Akordohen 7 minuta shtesë.

90′ Zharmuni i afrohet golit të tretë për Tiranën. Topi përfundon larg portës. (VIDEO)

88′ Minuta të qeta ato të fundit.

82′ Vera debuton te Tirana duke marrë vendin e Dembeles së dëmtuar.

74′ Karton i kuq për Oforin, i cili ndërhyn te Zharmoni. Ky i fundit po shkonte i vetëm drejt portierit. Kamara merr karton të verdhë për protesta. (VIDEO)

69’ Prengaj i lë vendin Smaçit, ndërsa Mici zëvendësohet nga Meta te Tirana.

64′-67’ Autori i golit të parë, Ernest, largohet me karton të kuq nga Tirana. Ishte VAR që ndërhyri dhe Çelaj nuk e kurseu pas rishikimit të rastit. (VIDEO)

62′ GOOOL! Bylis 0-2 Tirana/ Bardheblutë dyfishojnë shifrat me Ndrecën në Ballsh. Skemë perfekte nga goditja e dënimit, që befason mbrojtjen vendase. (VIDEO)

55′ Tre zëvendësime te Bylisi. Largohet Abazaj, Ruçi dhe Berko. Aktivizohet Gjata, Sulovari dhe Ualison.

54′ Faull nga Abazaj në dëm të Zharmuni. (VIDEO)

50’ Tirana humbet një rast të mirë për të dyfishuar shifrat. Kundërsulmi niset nga bardheblutë, ndërsa Prengaj i udhëheq. Në fund as Ernest dhe as Ndreca nuk ia dalin të shënojnë. (VIDEO)

46′ Nis pjesa e dytë.

45+1′ Mbyllet pjesa e parë me rezultatin 0-1 për Tiranën. 

45′ Akordohet 1 minutë shtesë.

40’ Karton i verdhë për Micin, që shkakton faull ndaj Berkos. Të dy mbesin të dëmtuar. Pas ndihmës mjekësore, rivijon loja. (VIDEO)

39’ Ruçi provon me goditje nga jashtë zone. Topi përfundon jashtë. (VIDEO)

38’ Karton i verdhë për Soler.

37’ GOOOL! Bylis 0-1 Tirana/ Ernest nuk gabon kësaj here i vtëm përballë Hasanbelli. Ishte Soler që e asistoi të vetëm në zonë. (VIDEO)

34’ Gabimi i Selmanit në pasim, sjell një rast të artë për Berkon. Është Dembele që i mohon golin duke iu bërë mur. (VIDEO)

30’ Ernest nuk shfrytëzon gabimin e Abazajt. Gabon krejtësisht duke mos goditur si duhet. (VIDEO)

25′ Tirana fiton metra në mesfushën e Bylisit. Mungon testi i vërtetë për portierin Hasanbelli.

19’ Protesta nga vendasit, pasi Çelaj akordon faull në dëm të Dembele nga Berko. (VIDEO)

17’ Bylisi del në kundërsulm. Në fund vendasit mjaftohen vetëm me rivënie anësore. (VIDEO)

16’ Prengaj lëviz bukur në zonë. Sulmuesi i Tiranës nuk konkretizon si duhet kur godet. (VIDEO)

12’ Berko shfaqet në zonën e Tiranës. Fillimisht kontrollon topin e gjatë dhe më pas është Dembele që i mbyll hapësirat. Në fund goditja e tij devijohet dhe përfundon në këndore. (VIDEO)

10’ Ndreca nga e djathta kërkon të krosojë sferë, ndërsa është në presionin e Peraltës. Top përfundon larg portës. (VIDEO)

7’ Aksion i bukur dhe i rrezikshëm nga vendasit në krahun e majtë. Peralta kroson në fundore dhe Berko nuk ia del të arrijë topin që kalon gjithë pasqyrën e portës. (VIDEO)

5’ Berko regjistron goditjen e parë në portë për Bylisin. Selmani kontrollon gjithçka pa problem. (VIDEO)

1′ Nis ndeshja në Ballsh.

FORMACIONET ZYRTARE

BYLIS: Hasanbelli, Bruno, Kamara, Ruçi, Malomo, Ofori, Berko, Peralta, A. Përgjoni, Abazaj, Ilieski

Trajner: Nevil Dede

TIRANA: Selmani, Mici, Dembele, Soler, Prengaj, Silva, F.Përgjoni, Ndreca, Ernest, Kola, Zharmuni

Trajner: Bledi Shkëmbi

PANORAMASPORT.AL

NDIQE LIVE "PANORAMA TV"

---