Juxhin Xhaja ishte protagonist në sfidën e sotme të luajtur mes Elfsborg dhe Alkmar në Holandë, që përfundoi me fitoren e këtyre të fundit 3-2. Arbitri shqiptar akordoi karton të kuq, pas një ndërhyrje jo të rregullt të Holmen në minutën e 86-të.

Lojtari i ekipit mik të Elfsborg pengoi një aksion premtues për gol. Dhe Xhaja nuk mund të kursente ndëshkimin e rëndë, teksa asnjë nuk protestoi. Më parë goli i fitores nga Alkmar erdhi pikërisht me penallti të akorduar nga arbitri shqiptar.

Sfida ishte mjaft spektakolare, ndërsa fati i buzëqeshi vendasve të Alkmar. Kujtojmë se asistentën e kryesorit Xhaja në këtë takim ishin Arbër Pema dhe Rejdi Avdo. Në anën tjetër UEFA kishte caktuar arbitër të katërt Albert Dodën.

Kartoni i kuq i akorduar nga Juxhin Xhaja: (VIDEO)

PANORAMASPORT.AL

 

NDIQE LIVE "PANORAMA TV"

---