Skuadra e Komos ka marrë fitoren e parë të këtij sezoni në Serinë A, duke arritur një suksses të papritur në transfertë përballë Atalantës, një prej ekipeve që vlerësohej mes pretendenteve për titull këtë sezon.

Ndeshja duhej të luhej dje, por u shty me 24 orë për shkak të rrebeshit të shiut që bëri të papraktikueshëm terrenin e stadiumit në Bergamo. Në duelin e sotëm, Atalanta e nisi shumë mirë, teksa shënoi me anë të Zapakostës golin e avantazhit.

Por më pas Komo mori kontrollin e lojës duke krijuar raste e duke detyruar Karnesekin të bënte disa pritje. Miqtë u shfaqen shumë më ngulmues në pjesën e dytë dhe me nëj aksion spektakolar kaluan fillimisht në avantazh me Strefeza, e më pas gjetën rrjetën për përmbysjen falë devijimit të Kolasinac. Federa me golin e tij bëri që sfida të shkonte në shifrat 3-1 për Komon i cili më pas thjesht menaxhoi me qetësi avantazhin.

Goli i shënuar me penallti në shtesë nga Lukman shërbeu vetëm për statistikë pasi në fund Komo festoi fitoren e parë të këtij sezoni në Serinë A,. teksa ngre pikëpyetje përsëri për forcën e vërtetë të Atalantës e cila ka regjistruar 2 fitore e 3 humbje në këtë edicion.

 

SHIH VIDEON

PANORAMASPORT.AL

NDIQE LIVE "PANORAMA TV"

---