Skuadra e Laçit nën drejtimin e Françesko Morieros po tregon një fytyrë krejtësisht tjetër nga ajo skuadër që shfaqej më parë kur drejtohej nga Armando Cungu. Kurbinasit kanë ringjallur shanset e tyre për mbijetesën, teksa kanë siguruar fitoren e radhës në kampionat, duke mundur me shifrat 2-0 Egnatian.

Skuadra kampione në fuqi vazhdon të tregohet e brishtë me luhatje të shumta dhe Laçi përfitoi maksimalisht nga kjo situatë, duke shënuar nga një gol në secilën pjesë loje, për të marrë tre pikë të arta që e bashkojnë me grupin e skuadrave që ka më sipër në renditje.

Ndërsa për Egnatian vazhdon kriza e rezultateve, pasi kjo ishte ndeshja e tretë radhazi pa fitore për kampionët në fuqi.

LAÇI 2-0 EGNATIA

11′ Prodani, 53′ Melo

NGJARJET KRYESORE

90’+7’ Mbyllet ndeshja me suksesin 2-0 të Laçit.

90’+5’ Papa i lë vendin në fushë Bibos.

90’+2’ Tresa dhe Melo lënë fushën e lojës për t’i bërë vend Kryeziut dhe Boçkës.

90’ Jepen 5 minuta shtesë.

88’ Sulme nga të dy krahët pasi skuadrat janë hapur në fushë, por pa gjuajtje të rrezikshme në portë.

82’ Traore merr vendin e Kofi në radhët e Laçit.

80’ Lushkja i lë vendin Dulis në radhët e Egnatias.

76’ Kofi tenton me një gjuajtje me të majtën, sfera shkon lehtë në duart e portierit.

74’ Manellari provon të gjejë portën me një gjuajtje nga distanca, sfera shkon përsëri jashtë.

73’ Melo lëshon një tjetër gjuajtje të fortë, sfera shkon në duart e Dobjanit. (VIDEO)

71’ Uotlai ndëshkohet me karton të verdhë për një faull në sulm.

70’ Zejnullai ka mundësinë të rihapë ndeshjen pasi shfaqet para Dajsinanit, por gardiani ndal gjuajtjen e tij. (VIDEO)

64’ Protesta të kurbinasve të cilët kërkojnë penallti për një prekje topi me dorë të Veselit në zonë. Gjyqtari bën shenjë që loja të vazhdojë. (VIDEO)

62’ Dalje e guximshme e Dajsinanit jashtë zonës për të ndalur vrullin e Vuthajt i cili devijon topin me kokë e rrëzohet, gjyqtari bën shenjë që nuk ka kontakt.

61’ Kofi lëshon një gjuajtje të fortë në pozicion ballor para zonës, por sfera devijohet nga një mbrojtës dhe kalon mbi traversë.

60’ Uotlai dhe Xhoel marrin vendin e Kasës dhe Ahmetajt në radhët e Egnatias.

53’ GOOOL LAÇI! Melo shmang çdo mbrojtës që i del para, krijon hapësirën dhe gjuan duke mposhtur Dobjanin. (VIDEO)

52’ Fillimisht Xhemajli për Egnatian e më pas Da Lima për Laçin ndëshkohen me karton të verdhë për ndërhyrje të parregullta.

47’ Melo ka menjëherë mundësinë të shënojë në portën e Egnatias, por ndalet nga fluturimi i Dobjanit i cili grushton. (VIDEO)

46’ Kasa dhe Ujka marrin vendin e Bakajoko dhe Alijev në radhët e Egnatias në startin e pjesës së dytë.

45+3′ Mbyllet pjesa e parë.

45′ Akordohen 3 minuta shtesë.

43′ Ahmetaj ndëshkohet me karton të verdhë për faull taktik.

41′ Egnatia pretendon penallti pas ndërhyrjes ndaj Vuthajt. Klodian Shahini e shikon gjithçka të rregull, merret kohë nga VAR që po ashtu cilëson gjithçka të rregullt. (VIDEO)

30′ Bakajoko flirton me golin. Sulmuesi i Egnatias godet me kokë, por topi përfundon jashtë. (VIDEO)

28′ Lushkja gjen Bakajokon, ky i fundit nuk shfrytëzon si duhet kundërsulmin. Lojtarët e Laçit mbyllin gjithçka. (VIDEO)

25′ Faull dhe karton i verdhë për Tresën pas ndërhyrjes ndaj Ahmetajt.

21′ Frederik Veseli tenton supergol nga jashtë zone. Topi përfundon jashtë. (VIDEO)

11′ GOOOL LAÇI 1-0/ Vendasve iu mjaftojnë 11 minuta për të gjetur golin me Prodanin.

4’ Laçi pretendon që Alijev prek topin me dorë në zonë, arbitri pas një kontrolli me VAR-in vazhdon lojën. (VIDEO)

2’ Prodani ndëshkohet me karton të verdhë pas ndërhyrjes së gabuaj ndaj Zejnullait.

1′ Nis ndeshja!

FORMACIONET ZYRTARE

LAÇI: Dajsinani, Mjaki, Kurti, Da Lima, Prodani, Papa, Opeh, Manellari  Tresa, Kofi, Melo.

Trajner: Françesko Moriero

EGNATIA: Dobjani, Alijev, Xhemajli, Veseli, Ndreca, Fangaj, Ahmetaj, Zejnullai, Vuthaj, Lushkja, Bakajako

Trajner: Edlir Tetova

PANORAMASPORT.AL

NDIQE LIVE "PANORAMA TV"

---