Gugash Magani është kthyer me fitore në stolin e Tiranës, falë suksesit shumë të thjeshtë 4-0 të bardhebluve ndaj Bylisit në një ndeshje me vetëm një skuadër në fushën e lojës.

Bardheblutë dominuan nga fillimi deri në fund këtë sfidë, ku skuadra mike bëri gabime të vazhdueshme të pazakonta në çdo cep të fushës duke ua bërë shumë të thjeshtë lojën kryeqytetasve në sfidën e luajtur në “Niko Dovana”. Megjithatë, ata e patën të vështirë të gjenin rrjetën duke gabuar shumë para portës dhe vetëm një penallti e Zharmuni bëri që pjesa e parë të mbyllej me avantazhin minimal 1-0.

Në të dytën, Bylisi lëshoi edhe më shumë terren dhe lejoi hapësira të pazakonta, teksa Zharmuni, Ismajli dhe Bajroviç “falënderuan” dhe përfituan nga gabimet e miqve për të thelluar rezultatin dhe për të siguruar tre pikët në ndeshjen e parë të Maganit në stol.

TIRANA-BYLIS 4-0
43′ (p), 68′ Zharmuni, 81′ Ismajli, 90’+1′ Bajroviç

NGJARJET KRYESORE

90’+4’ Mbyllet ndeshja me fitoren 4-0 të Tiranës.

90’+3’ Bajroviç ndëshkohet me karton të verdhë.

90’+1’ GOOOL TIRANA! Pas një pasimi të Metës nga e djathta, Bajroviç gjuan menjëherë dhe shënon golin e katërt. (VIDEO)

90’ Jepen 3 minuta shtesë.

85’ Përgjoni dhe Haxhiu i lënë vendin në fushë Micit dhe Abah.

81’ GOOOL TIRANA! Ismajli hyn me lehtësi në zonë pa u ndalur nga askush dhe gjuan duke shënuar golin e tretë. (VIDEO)

77’ Ndreca gjuan pas një zbritje të shpejtë, pa gjetur portën e ballshiotëve.

75’ Tjetër mundësi e artë e Tiranës për të shënuar që nuk shfrytëzohet, pasi topi ndalet nga mbrojtësit para se të kalojë vijën fatale. (VIDEO)

73’ Bajroviç dhe Ndreca hyjnë në fushë në vend të Zharmuni dhe Gjumsit në radhët e Tiranës.

71’ Çelaj merr vendin e Përgjonit në radhët e Bylisit.

68’ GOOOL TIRANA! Gabim i mallakastriotëve në prapavijë, Zharmuni niset i vetëm drejt portës, fiton një duel me portierin dhe pastaj çon sferën në rrjetë me Abazajn i cili nuk ndërhyn. (VIDEO)

65’ Soler i lë vendin në fushë Ismajlit në radhët e Tiranës.

64’ Aksion i shpejtë i bardhebluve me pasime pranë zonës që nxjerrin Haxhiun në pozicion gjuajtje, tentativa e tij nuk gjen portën. (VIDEO)

60’ Zharmuni ka rastin e artë i vetëm para portës për të shënuar golin e dytë, por nuk godet si duhet topin që shkon larg katërkëndorit të Bylisit. (VIDEO)

58’ Papa dhe Gabriel lënë fushën për t’i bërë vend Gjatës dhe Ualison.

53’ Mahmuti ndëshkohet me karton të verdhë për një faull ndaj Haxhiut.

52’ A. Përgjoni merr një pasim nga e majta, ka kohën të shenjestrojë portën dhe lëshon një gjuajtje të pakapshme për Selmanin, por që përfundon jashtë. (VIDEO)

46′ Nis pjesa e dytë e ndeshjes.

45’+4’ Mbyllet pjesa e parë me avantazhin 1-0 të Tiranës.

45’ Jepen 3 minuta shtesë.

43’ GOOOL TIRANA! Zharmuni shënon me penallti. (VIDEO)

40’-42’ Gjumsi mundohet të gjuajë me kokë në zonë, por merr një goditje nga Gabriel i cili e godet në fytyrë. Gjyqtarja Rusta bën shenjë që loja të vazhdojë por pastaj ftohet nga VAR të shohë pamjet. Asaj i duhen pak sekonda që të ndryshojë vendim duke dhënë penallti e ndëshkuar Gabriel më të verdhë. (VIDEO)

37’ Haxhiu harkon në zonë për Gjumsin i cili gjuan por gjen Brunon i cili i bllokon rrezen e portës.

35’ Harkim nga e majta në zonë për Berko i cili gjuan me kokë, por gjen përgjigjen e Selmanit në pozicion. (VIDEO)

27’ Malomo  dhe Marku i lënë vendin në fushë Gabriel dhe Papës në radhët e Bylisit.

23’ Pas një goditje nga këndi, Kola provon me kokë në shtyllën e parë, sfera nuk gjen portën ballshiote. (VIDEO)

21’ Marku ndëshkohet me karton të verdhë.

20’ Selmani rrëshqet në kontrollin e një topi por pastaj rikuperon gjithçka duke shmangur probleme në portën e tij. (VIDEO)

17’ Përgjoni merr topin para zonës, hyn në qendër dhe gjuan, një devijim çon sferën në shtyllën e bardhebluve e më pas Soler largon jashtë. (VIDEO)

14’ Një tjetër gjuajtje drejt portës devijohet nga Bruno, duke çuar sferën mbi traversë. (VIDEO)

8’ Tirana gjen rrjetën me anë të Dembele pas një goditje këndi dhe gjyqtarja Rusta sinjalizon për gol edhe pse ballshiotët protestojnë. Por Jorgji në VAR i kthen vendimin , për një prekje topi me dorë nga Jonuzi, pa e ftuar që të rishikojë pamjet. (VIDEO)

6’ Rucci ndëshkohet me karton të verdhë pas një faulli ndaj Përgjonit.

5’ Gjumsi është përsëri ai që nis krosimin nga e djathta për Zharmuni i cili nuk gjuan si duhet topin në zonën e Bylisit.

1’ Gjumsi sulmon menjëherë nga e djathta, topi i tij në qendër nuk largohet mirë nga mbrojtja dhe Haxhiu gjuan, por gjen përgjigjen e portierit. (VIDEO)

1’ Nis dueli në “Niko Dovana”.

FORMACIONET ZYRTARE

TIRANA: Selmani, Dembele, F.Përgjoni, Kola, Isuf, Soler, Meta, Jonuzi, Haxhiu, Gjumsi, Zharmuni

Trajner: Gugash Magani

BYLISI: Beqaj, Bruno, Abazaj, Marku, Peralta, A.Përgjoni, Mahmuti, Sulovari, Ruçi, Malomo, Berko.

Trajner: Nevil Dede

PANORAMASPORT.AL

NDIQE LIVE "PANORAMA TV"

---