Paraqitje zhgënjyese e Partizanit! Skuadra e Orges Shehit nuk shkoi më shumë se barazimi 1-1 në “Elbasan Arena” në duelin ndaj matezëve të Marsaslok, të vlefshëm për raundin e parë të Ligës së Konferencës.  

 

Edhe pse “Demat e Kuq”, ishin favoritë absolutë në letër për ta fituar këtë duel, nuk arritën të triumfonin. 

Murataj gjeti i pari rrugën e rrjetës në minutën e 2-të, ndërkohë që Juri vendosi baraspeshën në minutën e 15-të.  

Fragmenti i dytë i lojës nuk prodhoi gola. Edhe rastet e rrezikshme të Partizanit në këtë pjesë ishin me pikatore. Gjithçka ngelet e hapur në sfidën e kthimit pas 1 jave, për sa i përket kualifikimit, që për “Demat e Kuq” është një detyrim.

FT| PARTIZANI-MARSASLOK 1-1

2′ Murataj / 15′ Juri

NGJARJET KRYESORE

Mbyllet sfida! 

90′ Akordohen 5 minuta shtesë.

82′ Dy zëvendësime të tjera te Partizani, largohet Buxhelaj dhe Murataj, në fushë Zguro dhe Mehmeti.

81′ Drithërima në portën e Partizanit, Qirko bën heroin dhe shmang një gol të sigurt për maltezët. (VIDEO) 

74′ Tjetër zëvendësim te Partizani, largohet Cara vendin e tij e merr Bintsuka.

71′ Zeka ndëshkohet me karton të verdhë për ndërhyrje të gabuar në mesfushë.

63′ Rrapaj provon me një tentativë nga distanca, por gjuajtja e tij grushtohet nga portieri.

62′ Dy zëvendësime te Partizani, largohet Rifa dhe Mba, në fushë Zeka dhe Piloto.

56′ Provon edhe Nonato të surprizojë, por tentativa e tij ishte qëndrore duke përfunduar në duart e Qirkos.

50′ Partizani shfaqet më kërkues në këto minuta, duke kërkuar golin e avantazhit, mbrohen mirë maltezët.

47′ Portieri kundërshtar bën një pritje fantastike, duke i mohuar golin Carës (VIDEO) 

46′ Starton pjesa e dytë!

45+2′ Mbyllet pjesa e parë, baraspeshë totale.

45′ Gjyqtari akordon 2 minuta shtesë.

41′ Partizani tenton kundërsulmin, Rifa shërben për Carën që del i vetë para portës kundërshtare por ishte në pozicion jashtë loje.

40′ Preka tenton vertikalizimin për te Cara por ky i fundit nuk mundet ta zotërojë topin dhe shkon jashtë.

39′ Maget shkakton faull në mnesfushë duke ndaluar avancimin e maltezëve.

37′ Duele të shumta në mesfushë, topi shkon sa në njërin krah te tjetri.

35′ Mba tenton të pasoj nga krahu i djathtë për në zonë por atje nuk ndodhet askush që ta devijojë topin.

34′ Murataj kroson nga mesfusha në zonë dhe gjen të vetëm Carën, ky i fundit provon goditjen me kokë por që topi shkon drejtë e në duart e portierit Drobnjak.

32′ Aguirra ekzekuton goditjen e dënimit dhe kroson në zonë me Xheferson që tenton ta devijoj topin drejtë portës, por goditja e tij shkon jashtë.

31′ Rifa i shkakton një faull kapitenit Scicluna në mesfushë.

30′ Mikofell tenton të krosoj në top nga krahu i djathtë për në zonë, por aty ndodhet Maget që e shkelmon dhe largon rrezikun.

28′ Gjyqtari sinjalizon për një pushim të shkurtër që lojtarët të mund të freskohen.

27′ Rifa tenton një goditje me hark por nuk merr mirë masat e portës dhe e dërgon jashtë.

26′ Maltezë hedhin një top të gjatë në zonë por del portieri Qirko dhe e zotëron sferën.

25′ Bytyqi i shkakton faull Gomezit në m,esfushë.

23′ Mba lë një top me thembër për Rifan, me 17-vjeçarin që i drejtohet zonës dhe tenton pasimin për Carën, por lojtarët nuk u kordinuan mirë me njëri-tjetrin.

21′ Maltezët nisin kundërsulmin, me Gomezin që pason për Jurin nga krahu i djathtë, por ky i fundit nuk arrin dot të driblojë Rrapajn dhe e humbet topin.

19′ Rrapaj ekzekuton një goditje dënimi, por topi devijohet nga mbrojtja malteze dhe përfundon në goditje këndi. (VIDEO)

15′ SHËNOJNË KUNDËRSHTARËT! Miqtë ekzekutojnë një goditje këndi, me topin që largohet në një moment nga mbrojtja e kuqe por që përfundon në këmbët e Jurit, ky i fundit godet fluturimthi dhe shënon. (VIDEO)

14′ Maget rikuperon një top të rëndësishëm afër portës kundërshtare, me topin që përfundon në këmbët e Mba, me këtë të fundit që godet por sfera shkon ngjitur me shtyllën dhe jashtë. (VIDEO)

12′ Gomez tenton një goditje nga distanca, por topi shkon jashtë pa probleme për portierin Qirko.

11′ Hadroj tenton krosin në zonë per te Mba, me këtë të fundit që nuk arrinë të godas siç duhet, me topin që përfundon në duart e portierit Drobnjak.

10′ Kërkohet në thellësi Cara, i cili tenton sërish krosimin për Mba, por topi bllokohet nga mbrojtja mike dhe përfundon në rivënie anësore.

8′ Buxhelaj i shkakton faull Gomezit, duke dhënë një shans të mirë shënimi miqve.

6′ Partizani me ritëm më të lartë, e gjithë loja po flet për të kuqtë.

4′ Cara tenton krosimin nga krahu i majtë por topi largohet nga Lopez.

2′ GOOOOOOOOOOOOOL PARTIZANI! Rifa hedh një top nga mesfusha për Muratajn, me këtë të funit që arrin ta kontrrolloj mirë dhe lëshon një goditje tokazi, me topin që kalon mes këmbëve të portierit Drobnjak. (VIDEO)

1′ Starton ndeshja në “Elbasan Arena”.

FORMACIONET ZYRTARE

PARTIZANI (4-3-3): Qirko; Hadroj, Preka, Bytyqi, Buxhelaj; Murataj, Maget, Rrapaj; Rifa, Mba, Cara | Trajner: Orges Shehi

MARSAXLOK (3-4-1-2): Drobnjak; Xheferson, Lopez, Raden; Aguirre, Muskat, Scicluna; Mikallef; Juri; Nonato, Gomez | Trajner: Uinston Muskat

PANORAMASPORT.AL

NDIQE LIVE "PANORAMA TV"

---