Vora është ngjitur sot në kreun e renditjes së Kategorisë së Parë, pasi ka mundur në duelin direkt për kreun skuadrën e Flamurtarit me shifrat 3-2.

Ndeshja mes dy pretendentëve ka qenë e luftuar dhe me shumë përmbysje situtatash. Vendasit shënuan dy herë me Ruzgis në pjesën e parë, por pastaj u arritën nga golat e Oshafit dhe Beqjas. Megjithatë, ishte pikërisht Ruzgis ai i cili plotësoi tregolëshin personal në minutat e fundit për t’i dhënë fitoren ekipit të tij.

Kjo ndeshje padyshim do të shoqërohet me polemika për shkak të episodeve të ndryshme, përfshirë edhe atë të golit të fitores ku vlonjatët pretenduan për prekje të topit me dorë nga sulmuesi i vendasve.

VORA 3-2 FLAMURTARI

5′(P), 25′, 87′ Ruzgis/ 45’+12′ Oshafi, 52′ Beqja

NGJARJET KRYESORE

90’+7’ Mbyllet ndeshja me fitoren 3-2 të Vorës.

90’+6’ Allmuça ka mundësinë të shënojë brenda zonës por gjuan topin në duart e Ruçit.

90’+5’ Harkim i Trashit nga një goditje dënimi, Kacbufi nuk arrin të devijojë para Ruçit. (VIDEO)

90’+5’ Edhe Kasalla ndëshkohet me karton të verdhë.

90’+4’ Imami ndëshkohet me karton të verdhë për vonesë loje.

90′ Jepen 6 minuta shtesë.

89’ Marinaj merr vendin e Ntepe te Vora., Kurse te Flamurtari janë Selimi dhe Kobian të cilët hyjnë në fushë në vend të Atandës dhe Markut.

87′ GOOOL VORA 3-2/ Ruzgis i shpëton dy mbrojtësve dhe niset drejt portës, duke mposhtu me një diagonale Kaloshin . (VIDEO)

85’ Edhe Aneni i Vorës ndëshkohet me karton të verdhë.

83’ Herald Marku provon të gjejë rrjetën me një gjuajtje nga distanca, topi shkon jashtë. (VIDEO)

78’ Shkurtaj hyn në fushë në vend të Oshafit te Flamurtari.

75’ Gjyqtari nuk ngurron të tregojë kartonë të verdhë për ndërhyrje të parregullta të Bolanos e Bangali të Flamurtarit, si dhe Tabakun e Vorës brenda pak minutash.

67′ Merr fund loja për Bardhin, ka minuta për Likën.

66′ Zëvendësim te Flamurtari! Largohet Beqja, në lojë futet Allmuça.

63’ Trashi gjuan me të djathtën drejt portës, Ruçi bën një pritje fantastike. (VIDEO)

55′ Largohen Dalipi dhe Geci, në lojë futen Kasalla dhe Vrapi.

52′ GOOOL FLAMURTARI 2-2/ Ememe pason topin për Beqjan, ky i fundit nuk fal dhe barazon shifrat. (VIDEO)

46′ Nis pjesa e dytë.

45’+17′ Mbyllet pjesa e parë e sfidës!

45’+12′ GOOOL FLAMURTARI 2-1/ Pas një harkimi nga Trashi nga goditja e këndit, Oshafi realizon me kokë golin e parë për skuadrën e tij dhe rihap sfidën. (VIDEO)

45’+6′ Marku provon nga distanca, por portieri Ruçi bën një pritje të mirë.

45’+1′ Portieri Ruçi ndëshkohet me karton të verdhë për shkak të protestave. Po ashtu edhe Allmuça.

45′ Akordohen 17 minuta shtesë për të rikuperuar kohën e humbur.

40’ Aksion i bukur nga Flamurtari, Pjeshka pason për Trashin, por ky i fundit nuk arrin të shënjestrojë si duhet portën e Vorës. (VIDEO)

34′ Ndërhyn ashpër ndaj Kacbufit, autori i dy golave Ruzgis merr karton të verdhë.

33’ Bardhi rrëzohet në zonë dhe pretendon për penallti, por Juxhin Xhaja vijon me lojën. (VIDEO)

31′ Geci ndëshkohet me karton të verdhë pas një ndërhyrje të gabuar ndaj Pjeshkës.

25′ GOOOL VORA 2-0/ Ruzgis merr një top të mirë në zonë dhe godet menjëherë duke tronditur portën e Flamurtarit. (VIDEO)

14′-23′ Ka tension mes dy tifozerive, ndalohet ndeshja për disa minuta. (VIDEO) (VIDEO) (VIDEO) (VIDEO) (VIDEO)

9′ Beqja ndëshkohet me karton të verdhë pas një ndërhyrje të gabuar ndaj Ntephe.

5′ GOOOL VORA 1-0/ Ruzgis nuk fal nga 11 metra dhe mposht portierin Kaloshi duke kaluar në avantazh skuadrën e tij. (VIDEO)

3′-4′ Tabaku fiton penallti për Vorën pasi rrëzohet në zon. (VIDEO)

1′ Starton sfida!

FORMACIONET ZYRTARE

VORA: Ruçi, Ismaili, Tabaku, Bardhi, Aneni, Ruzgis, Dalipi, Imami, Ntephe, Shehi, Geci

Trajner: Arian Bellai

FLAMURTARI: Kaloshi, Ramirez, Kacbufi, Pjeshka, Beqja, Trashi, Oshafi, Marku, Bangali, Atanda, Ememe

Trajner: Andrea Agostineli

PANORAMASPORT.AL

NDIQE LIVE "PANORAMA TV"

---