VIDEO/ Shqipëria bën historinë dhe e mbyll e para, por festën e prish një barazim pa ngjyrë
Kombëtarja shqiptare e futbollit e ka mbyllur në vendin e parë grupin e saj kualifikues të Euro 2024, me në arritje historike për futbollin tonë.
Objektivi është arritur me sukses, si asnjëherë më parë në histori, edhe pse ndeshja e fundit e eliminatoreve la një shije paksa të hidhur në një moment kur të gjithë ishin përgatitur për një festë madhështore. Kjo, pasi skuadra e Silvinjos, ku kishte shumë zgjedhje të dyta, la shumë për të dëshiruar në lojën e saj dhe rrallëherë u shfaq rrezikshëm përballë miqve të cilët u mbrojtën me rregull duke lejuar pakgjë dhe në fund krijuan edhe panik duke na rrezikuar për një gol që do të kishte qenë i tepërt.
Megjithatë, në fund pika e siguruar sot bëri punë dhe Shqipëria ia doli të mbyllte Grupin E si kryesuese, edhe pse me pikë të barabarta me Çekinë.
SHQIPËRI-ISHUJT FAROE 0-0
NGJARJET KRYESORE
90’+6’ Mbyllet ndeshja në barazim pa gola.
90’+6’ Dy goditje këndi radhazi të miqve sjellin shumë panik por mbrojtja largon.
90’+4’ Një harkim i rrezikshëm në zonë sjell rrëmujë para Strakoshës, por mbrojtja largon në këndore.
90’+2’ Muçolli nis topin në zonë për Cikalleshin, por ky i fundit nuk ia del të gjuajë drejt portës e më pas largon mbrojtja.
90′ Jepen 5 minuta shtesë.
88’ Muçolli harkon nga e djathta në zonë, Cikalleshi devijon me kokë jashtë katërkëndorit.
86’ J. Edmundson i lë vendin në fushë Petersen.
83’ Asnjë shkëndijë nga ekipi kuqezi, që nuk arrin të gjejë hapësira për të tentuar portën.
80’ J. Andreasen gjuan në kufijtë e zonës, por gjen bllokimin nga mbrojtësit e qendrës që spastrojnë rrezikun.
77’ Një goditje dënimi harkohet rrezikshëm në zonën tonë, për fat asnjë nga këndërshtarët nuk ia del të devijojë para Strakoshës.
75’ I sapofuturi në fushë Cikalleshi ndëshkohet me karton të verdhë.
74’ Cikalleshi dhe Muçi hyjnë në fushë në vend të Asanit dhe Dakut.
72’ Asllani provon me një gjuajtje qendrore, sfera kalon mbi traversë. (VIDEO)
71’ Daku nga e djathta mundohet të pasojë në qendër, mbrojtja largon rrezikun e krijuar nga kuqezinjtë.
67’ Aksion i shpejtë nga e djathta, Asani merr topin nga Daku dhe gjuan, por sfera devijohet jashtë në këndore. (VIDEO)
65’ Top i gjatë nga e majta për Asanin në anën tjetër, sulmuesi nuk ia del të kontrollojë dhe sfera shkon në fundore.
63’ Vathnamar hyn në fushë në vend të Hendrikson te miqtë.
61’ Uzuni dhe Bare i lënë vendin në fushë Muçollit dhe Laçit.
55’ Bjartalid vë në vështirësi Strakoshën me një gjuajtje të fortë që shkon jashtë pas një aksioni të gjatë të miqve. Nisin vërshëllimat nga tifozët në tribuna. (VIDEO)
50’ Shfaqen rrezikshëm edhe miqtë, Hendrikson gjuan mbi traversë nga një pozicion i mirë brenda zonës tonë. (VIDEO)
48’ Baliiu nga e djathta nis një harkim për Dakun, i cili ul për Asanin e më pas sfera mbërrin te Uzuni. Gjuajtja e këtij të fundit është e lehtë dhe përfundon në duart e portierit. (VIDEO)
46’ Nis pjesa e dytë pa zëvendësime në radhët e dy ekipeve.
45’+7’ Pjesa e parë mbyllet pa gola.
45’+7’ Bajrami jep një asist të shkëlqyer për Dakun duke e nxjerr të vetëm para portës, por portieri i mohon sulmuesit golin. (VIDEO)
45’+6’ Mitaj pason për Uzunin i cili gjuan me shpejtësi, por gjen përgjigjen e portierit dhe më pas Daku gjendet në pozicion jashtë loje. (VIDEO)
45’+4’ Janë miqtë që ushtrojnë më shumë trysni në këto minuta, me harkime drejt zonës që detyrojnë kuqezinjtë të kthehen mbrapa për të spastruar zonën.
45′ Jepen 7 minuta shtesë.
41’ Daku merr përsëri një top në thellësi, por nuk i shpëton dot pozicionit jashtë loje.
39’ Joensen ndëshkohet me karton të verdhë për një faull ndaj Bares në mesfushë.
36’ Bajrami bën gjithçka vetë në krahun e majtë, i afrohet zonës dhe lëshon një të djathtë të fortë, por gjen grushtimin e portierit të sapofutur. (VIDEO)
34’ Portieri Lamhauge nuk vazhdon më dhe i lë vendin Rejnatrod.
30’ Në një aksion sulmues të Ishujve Faroe, Davidsen godet shokun e skuadrës duke bërë që të kërkohet ndihma e stafit mjekësor. (VIDEO)
25’ J. Andreasen provon të rrezikojë me një gjuajtje brenda zonës, sfera devijohet jashtë në këndore për ekipin mik.
24’ Portieri mund të vazhdojë dhe provon të qëndrojë në ndeshje.
22’ Portieri i miqve ka nevojë për asistencën e stafit mjekësor pasi gjatë aksionit të mëparshëm u përplas me sulmuesin kuqezi.
18’ Daku përfiton nga një top në thellësi dhe shfaqet para portierit, por më pas nuk arrin të kalojë gardianin e nordikëve. Gjithsesi, aksioni bëhet i pavlefshëm nga sinjalizimi për pozicion jashtë loje. (VIDEO)
16’ Asllani nis topin për Dakun, ky i fundit nuk ia del ta kontrollojë mes mbrojtësve kundërshtarë.
14’ Edhe miqtë tentojnë me një top të gjatë drejt zonës tonë, mbrojtja bën mirë gjithçka duke e kthyer sferën qetësisht te Strakosha.
9’ Kuqezinjtë kanë qarkullimin e topit në këto minuta teksa mundohen të gjejnë hapësira mes radhëve të ngjeshura të skuadrës mike që mbrohet me shumë forca.
6’ Top i gjatë në thellësi i Ismajlit për Uzunin, portieri i miqve del dhe largon sferën.
3’ Shqipëria mundohet të shpërthejë menjëherë në krahun e djathtë me Asanin por ai bllokohet në kufijtë e zonës.
1′ Nis dueli në “Air Albania”.
FORMACIONET ZYRTARE
SHQIPËRIA: Strakosha, Balliu, Ismajli, Gjimshiti, Mitaj, Asllani, Bare, Asani, Bajrami, Uzuni, Daku
Trajner: Silvinjo
ISHUJT FAROE: Lamhauge, Danielsen, Faero, A. Edmundson, Vatnhamar, Davidsen, Bjartali, Joensen, Andreasen, Hendrikson, J. Edmundson
Trajner: Hakan Erikson
PANORAMASPORT.AL
