Teuta ka siguruar fitoren në kampionat pas më shumë se dy muajsh, duke mundur 2-1 Egnatian për t’u larguar nga zona e rrezikshme e klasifikimit.

Skuadra durrsake ka gjetur golin që në startin e ndeshjes me anë të Boçit dhe më pas dukej se po kontrollonte me shumë rregull ofensivat e rrogozhinasve. Goli i Tomës në pjesën e dytë u duk se mbylli diskutimet,. Por gjithçka u hap nga goli i Bakajoko, pas shumë rastesh të shpërdoruara para portës, ndërsa shansi i artë për barazimin e Egnatias erdhi në minutat e fundit kur fitoi një penallti falë ndërhyrjes së VAR-it.

Por Zejnullai gaboi nga pika e bardhë duke fluturuar topin mbi traversë dhe kështu, Teuta iu gëzua tre pikëve që e largojnë nga zona e rrezikshme e klasifikimit.

TEUTA-EGNATIA 2-1
4′ Boçi, 74′ Toma / 81′ Bakajoko

NGJARJET KRYESORE

90’+6’ Mbyllet ndeshja me fitoren 2-1 të Teutës.

90’+4’ Demirçani merr vendin e Boçit në radhët e Teutës.

90’+3’ Xhoel gjuan në hyrje të zonës, Tafas kontrollon me qetësi.

90’+1’ Zejnullai gabon nga pika e bardhë duke çuar topin mbi traversë. (VIDEO)

90’ Jepen 6 minuta shtesë.

86’-88’ Rrogozhinasit kërkojnë penallti për një prekje të topit me dorë në zonë, Hamiti sinjalizon një goditje këndi. Por më pas ai ftohet të shohë pamjet me VAR dhe ndërron mendje, duke akorduar penallti. (VIDEO)

81’ GOOOL EGNATIA! Aksion perfekt në të majtën i Ujkës i cili pason me të jashtmen te Bakajoko. Ky i fundit nuk mund të gabojë me portën bosh dhe çon sferën në rrjetë. (VIDEO)

79’ Xhoel merr vendin e Lushkjes në radhët e Egnatias.

77’ Kasa provon në kufijtë e zonës përsëri të mposhtë Tafas, por pa sukses.

74’ GOOOL TEUTA! Përsëri një kundërsulm perfekt i durrsakëve me Tomën i cili nga e majta hyn në zonë dhe mposht Dobjanin. (VIDEO)

72’ Kasa pason për Bakajoko i cili nga e majta nuk ia del të gjuajë në portë. (VIDEO)

68’ Gjuajtje e Kasës në hyrje të zonës, Tafas në dy kohë kontrollon topin. (VIDEO)

66’ Aleksi dhe Veseli i lënë vendin në fushë Votlait dhe Kasës në radhët e Egnatias.

64’ Torraj i lë vendin në fushë A. Peposhit te Teuta.

63’ Edhe Marku ndëshkohet me karton të verdhë për faull ndaj Lushkjes.

61’ Jazxhi ndëshkohet me karton të verdhë në radhët e durrsakëve.

59’ Harkime radhazi për Bakajoko në zonë, asnjë nuk kthehet në portë nga sulmuesi i rrogozhinasve.

56’ Pas një goditje këndi, Simeu gjuan me kokë, por sfera ndalet pa kaluar vijën fatale nga Fangaj. (VIDEO)

50’ Rrogozhinasit tentojnë me një goditje dënimi të harkuar për Bakajoko, por ai kapet në pozicion jashtë loje.

46’ Pjesa e dytë nis me Tomën në vend të Preknicajt në radhët e skuadrës durrsake.

45’+6’ Mbyllet pjesa e parë me avantazhin 1-0 të Teutës.

45’+4’ Gjuajtje e fortë me të majtën e Ujkës, sfera shkon mbi traversë. (VIDEO)

45′ Jepen 6 minuta shtesë.

42’ Rinis ndezja e projektorëve të stadiumit, për t’u bërë gati për rifillimin e ndeshjes. (VIDEO)

37’ Fiken dritat në stadiumin “Niko Dovana”. (VIDEO)

37’ Lushkja gjuan nga distanca, sfera shkon jashtë katërkëndorit. (VIDEO)

36′ Preknicaj merr karton të verdhë për durrsakët.

35′ Veseli ndëshkohet me karton të verdhë.

29’ Në vijimin e një goditje nga këndi, Ujka ul topin për Xhemajlin në qendër, gjuajtja e tij me kokë gjen përgjigjen e shkëlqyer të Tafas. (VIDEO)

25’ Pas një goditje dënimi, Dobjani kontrollon me vështirësi në zonë dhe fiton faull pas përplasjes me Simeu. (VIDEO)

22’ Kruja nis topin në zonë për Preknicajn por ky i fundit nuk kontrollon dhe sfera ndalet te portieri Dobjani.

20’ Beqja gabon në kthimin e topit dhe sfera shkon rrezikshëm drejt portës me Lushkjen që mund të rrezikonte. Jazxhi bën një ndërhyrje vendimtare duke larguar topin. (VIDEO)

15’ Harkim perfekt nga Ndreca në zonën e Teutës për Bakajoko i cili gjuan me kokë, por nuk gjen portën. Aksioni bëhet i pavlefshëm për pozicionin jashtë loje të sulmuesit.

13′ Ndreca niset në kundërsulm nga e majta, por pasimi i tij kalon pasqyrën e portës, pa u devijuar nga Bakajoko. Në vijimin e aksionit është Aleksi i cili gjuan nga jashtë zonës, me topin që kalon përsëri mbi traversë. (VIDEO)

8’ Mundohet të shtyjë lojën para Egnatia, duke synuar të barazojë shpejt shifrat, por Teuta është e kthyer me shumë forca në mbrojtje.

4’ GOOOL TEUTA! Torraj nis në kundërsulm Boçin i cili djeg Aleksin në shpejtësi dhe para Dobjanit nuk gabon duke çuar sferën në rrjetë. (VIDEO)

1’ Menjëherë rrezikshëm rrogozhinasit me një goditje këndi, por gjuajtja e Aleksit kalon mbi traversë.

1’ Nis dueli në Durrës.

FORMACIONET ZYRTARE

Teuta: Tafas, Marku, Kotobelli, Jazxhi, Simeu, Kruja, Beqja, Lloci, Boçi, Preknicaj, Torraj

Trajner: Edi Martini

Egnatia: Dobjani, Dylys, Veseli, Xhemajli, Fangaj, Aleksi, Lushkja, Zejnullai, Ndreca, Ujka, Bakajoko

Trajner: Edlir Tetova

PANORAMASPORT.AL

NDIQE LIVE "PANORAMA TV"

---